Shoqata e Frutikulturës në Bullgari raporton një vit tjetër plot sfida në sektorin "Bujqësi". Megjithatë, problemet nuk lidhen aq me klimën jashtëzakonisht të ngrohtë, dhe me mungesën e ujit për vaditje, sa lidhen me vështirësinë për të gjetur tregje dhe fuqi punëtore. Rritja e kostove dhe ulja e të ardhurave i bënprodhuesit të heqin dorë nga investimet e reja dhe zhvillimine sipërfaqeve të punueshme.
“Të gjitha krizat që kemi përjetuar deri më tani, përfshirë edhe atë ushtarake, ndikojnë te prodhuesit e frutave – shpjegon Zhivka Grozeva, anëtare e Bordit Drejtues të Shoqatës së Frutikulturës në Bullgari. – Mund të thuhet se kriza në vendin tonë nisi në vitin 2020 me fillimin e pandemisë, kur dëshmuam një bllokadë thuajse të plotë të tregjeve. Pas pandemisë erdhi lufta në Ukrainë dhe inflacioni. Çmimi i frutave në vendin tonë nuk diktohet nga prodhuesit, por nga importuesit. Në këtë një vit e gjysmë që kaluam, prodhimi është zvogëluar me ritme të konsiderueshme. Sa vjen e shtohet braktisja ose nxjerrja në shitje e kopshteve me pemë.“
Pavarësisht mbështetjes shtetërore pas pandemisë që ka luajtur një rol të rëndësishëm në mbijetesën e fermerëve, sektori është i prekur nga mungesa e stabilitetit politik.
“Mungon sistematika dhe konsistenca në punën, vendimet dhe Plani Strategjik për zhvillimin e bujqësisë dhe zonave rurale për periudhën 2023-2027, për të cilin po punohet nga disa qeveri me rradhë. Mungon komunikimi edhe me Ministrinë e Bujqësisë”, thotë Zhivka Georgieva.
Shoqata këmbëngul për takime me ministrin për të diskutuar një sërë çështjesh me interes për prodhuesit, përfshirë ato që lidhen me versionin përfundimtar të planit strategjik për zhvillimin e sektorit.
“Ka gjëra në këtë plan që nuk duhet të vazhdojnë të ekzistojnë në këtë formë – është kategorike Grozeva. - Një prej tyre janë të ashtuquajturat ekoskemat. Ato janë vullnetare dhe çdo fermer mund të angazhohet në lidhje me to. Nëse i plotëson, ka të drejtë të marrë mbështetje për hektar sipërfaqe të kultivuar. Megjithatë, ato janë planifikuar në mënyrë të atillë që prodhuesit të përballen me kosto shtesë që nuk mund të mbulohen nga fondet e mbështetjes. Një problem tjetër lidhet me kopshtet me pemë që ende nuk kanë filluar të japin fryte. Për to do të fitohen rreth 90 leva për hektar. Kjo është një ide e mirë, por nga ana tjetër, kulturat tradicionale të vendit, si kumbullat dhe rrushi për ëmbëlsira, janë në një grup i veçantë që ka nevojë për mbështetje, ku shuma që jepet është më e ulët se ajo për qershitë, mollët, pjeshkët dhe kajsitë, e cila është gjithashtu rreth 90 leva.'
Zhivka Grozeva shpreson se Ministria do të kuptojë se Shoqata e Frutikulturës në Bullgari nuk punon për interesin e saj, por siguron lidhjen ndërmjet prodhuesve bujqësorë dhe institucionit. Qëllimi i saj nuk është të krijojë, por të parandalojë ose kapërcejë sa më shpejt problemet që kanë lindur mes tyre.
Informacione të tjera për problemet e kësaj fushe mund të gjeni këtu:
Autor: Joan Kolev /nga intervista e Zornica Semerxhieva, BNR - Stara Zagora/
Përgatiti në shqip: Kostandina Bello
Foto: arkiv
Ka filluar modernizimi i bazës prodhuese të ndërmarrjes së vetme shtetërore të përpunimit të qumështit “LB Bulgaricum” në Vidin, siç ishte premtuar nga pushtetarët. Renovimi i bazës prodhuese do të kryhet në faza, njoftoi Ministria e Ekonomisë. Në..
Dorëzimi i parë i gazit natyror në Bullgari u bë sot përmes terminalit të ri në qytetin grek Aleksandrupolis. Funksionimi komercial i objektit është fakt që prej 1 tetorit të këtij viti dhe vendi ynë është pronar i 20% të projektit, i cili..
Më 1 tetor në Burgas hapet zyrtarisht uzina e parë bullgare për automobila të blinduar të kompanisë International Armored Group (IAG). Në bazë, të vendosur në një sipërfaqe prej 150 mijë metrash katrorë, do të prodhohen pajisje mbrojtëse bullgare..
Ne po shkojmë drejt opsionit që të mos kemi një buxhet të miratuar shpejt për vitin 2025, tha për BNR Llëçezar Bogdanov, kryeekonomist nga Instituti për..
Mot i kthjellët
Pjesërisht me re