Ministrat e Punëve të Jashtme Bujar Osmani dhe të Punëve të Brendshme të Republikës së Maqedonisë së Veriut, Oliver Spasovski, si dhe sindikata e policisë në vend, kërkuan kremtimin paqësor të 151 vjetorit të lindjes së revolucionarit Goce Dellçev. Në apelin e tij, Osmani theksoi se çdo qytetar i Bullgarisë dhe i çdo shteti tjetër është i mirëpritur në Maqedoninë e Veriut dhe se “të gjithë duhet ta trajtojnë vendin dhe popullin maqedonas me respekt”. “Ne jemi një vend me perspektivë evropiane. Me traditat tona të dialogut ndëretnik, kohezionit dhe zgjidhjes paqësore të mosmarrëveshjeve bilaterale, jemi shembull në botë. Të mos lejojmë që provokatorët të na e vjedhin të ardhmen evropiane”, tha Osmani.

Kujtojmë se në lidhje me garantimin e sigurisë gjatë festimit për vizitë në Shkup ditë më parë, ishte edhe ministri bullgar i punëve të brendshme Ivan Demerxhiev.