Lidhur me pretendimet se Bullgaria ndihmonte fshehurazi Ukrainën, Ivan Ivanov, anëtar i Këshillit Kombëtar të BSP, tha para BNR se armët u shitën nuk u dërguan si mbështetje falas. Sipas Ivanovit, vendi ynë ka një kompleks industrial të armatimeve - që prodhon municion dhe armë, të cilat shiten nga kompanitë. Prandaj përgjegjësinë e kanë vetë kompanitë, sepse ato e kryen tregtinë. Nga ana tjetër, nëse kompleksi i armëve do të ndalonte së prodhuari dhe prodhimi i tij nuk do të tregtohej, shumë njerëz do të ishin pa punë.

BSP vazhdon të mbrojë pozicionin e mosndërhyrjes në armiqësitë midis Ukrainës dhe Rusisë. Prandaj, edhe në kohën e qeverisjes së koalicionit me kryeministrin Kirill Petkov, partia ishte kundër eksportimit të armëve nga Bullgaria drejtpërdrejt dhe pa pagesë në Ukrainë, sepse kjo kërcënon sigurinë kombëtare të vendit tonë. Ky qëndrim është ndër arsyet kryesore pse “Po e vazhdojmë ndryshimin” (PP) nuk dëshiron të marrë pjesë në formimin e një qeverie me mandat të BSP-së. Iskren Arabaxhiev nga PP i tha BNR-së se partia e tij nuk mund të bëjë kompromise në lidhje me pozicionin për luftën në Ukrainë, si dhe në lidhje me eurozonën dhe reformën në drejtësi.

• Reagimet e partive ndaj informacionit në revistën “Die Welt” për armët bullgare në Ukrainë