Pas marrjes së mandatit të tretë për formimin e kabinetit në kuadër të Legjislaturës së 48-të të Kuvendit Popullor, këtë javë socialistët do të vendosin se nga cilat formacione dhe për cilat tema do të kërkojnë mbështetje. Megjithatë, për momentin shumica e partive parlamentare janë skeptike për formimin e një kabineti të rregullt me mandat të BSP-së dhe shprehin habi për zgjedhjen e presidentit Rumen Radev.
Grupi parlamentar i GERB-SDS do të vlerësojë se çfarë do të jetë sjellja e tij pasi veprimet e BSP të bëhen të qarta, komentoi kryetarja e grupit Desisllava Atanasova në Ruse. Mirëpo, kreu i SDS-së, Rumen Hristov, ishte kategorik: “Nëse na ftojnë në takim, do të marrim pjesë, por mos prisni mbështetje nga SDS për BSP-në”.
“Po e vazhdojmë ndryshimin” do të marrë pjesë në mbledhjen e lidershipit të propozuar nga BSP-ja, tha Daniell Llorer. Ai shtoi se është e qartë paraprakisht se për tema të tilla si zhvillimi ekonomik dhe lufta kundër pabarazisë sociale, të dy formacionet mund të arrinin një marrëveshje, por për të tjerat - lufta në Ukrainë dhe Kodi Zgjedhor, dallimet në pozicionet e tyre janë serioze.
Ramadan Atallaj tha të dielën se nëse ftohen, DPS-ja janë të gatshme të takohen me të majtën, por sipas tij, po ecim me vendosmëri drejt zgjedhjeve të reja.
“Presidenti bën të njëjtën gjë për dy vjet me të njëjtin rezultat - ecje në zgjedhje dhe qeverisje të një kabineti teknik”, komentoi për BNR Hristo Ivanov, bashkëkryetar i “Bullgarisë Demokratike”.
Lideri i “Vëzrazhdane” Kostadin Kostadinov i caktoi si zero shanset e BSP-së për të formuar kabinet me mandatin e tretë. Ai deklaroi se nuk do të marrë pjesë në një takim të përbashkët me liderët e partive parlamentare, por vetëm në një takim dypalësh. Kostadinov kërkoi edhe mbështetje nga BSP për thirrjen e referendumit për ruajtjen e levës bullgare.
Nëse përpjekja e tretë dhe e fundit për të formuar një kabinet dështon, presidenti do të duhet të shpërndajë parlamentin, të emërojë një qeveri të përkohshme dhe të caktojë një datë për zgjedhjet e reja parlamentare, ndoshta në pranverë.
Përfaqësuesit e popullit nuk arritën të zgjidhnin një kryetar të Kuvendit Popullor në provën e katërt. Nga katër kandidatët, Raja Nazarjan, e propozuar nga GERB-SDS, dhe Sillvi Kirillov, i nominuar nga "Ka një popull të tillë", arritën në balotazh. Raja..
Taksistët e kryeqytetit janë duke protestuar kundër rritjes së çmimit të sigurimit të detyrueshëm të “Përgjegjësisë Civile”. Në orët në vijim ata do të demonstrojnë pakënaqësinë e tyre para të gjitha institucioneve shtetërore. “Ne duam një moratorium për..
Ministri në detyrë i mbrotjes Atanas Zaprjanov konfirmoi përkushtimin e Bullgarisë ndaj përpjekjeve të përbashkëta të Bashkimit Evropian në mbështetje të Ukrainës. Këtë ai e bëri në Bruksel në një takim të Këshillit të Punëve të Jashtme në formatin e..
Shitjet e makinave të reja në Bullgari në tetor u rritën tri herë më shumë se niveli mesatar i Bashkimit Evropian, ku blerja e makinave të reja ishte..
Një milion e tetëqind qytetarë bullgarë udhëtuan si turistë në tremujorin e tretë të vitit, njoftoi Instituti Kombëtar i Statistikave. 72.3% e tyre..
Vranësira të dendura
Pjesërisht me re