Presidenti Rumen Radev të mbledhë Këshillin Konsultativ për Siguri Kombëtare për shkak të kërkesës në Planin e Rimëkëmbjes dhe Qëndrueshmërisë për të reduktuar deri në vitin 2026 emetimet e karbonit me 40 për qind në krahasim me vitin 2019. Për këtë bëri thirrje Deljan Dobrev, kryetar i komisionit parlamentar të energjisë dhe deputeti i GERB, në një diskutim të organizuar nga sindikatat. Sipas tij, kërkesa kërcënon sigurinë tonë kombëtare, sepse “këto 12.5 teravat orë energji elektrike, që nuk do të prodhohen, kapin vlerën e 3.2 miliardë eurove me çmimet aktuale”. Sipas deputetit, fondet përfaqësojnë 4 për qind të prodhimit të brendshëm bruto, d.m.th. ekonomia jonë do të tkurret me 4 për qind vetëm për këtë arsye.