Në aulën e rektoratit të Universitetit të Sofjes u mbajt një ceremoni, ku Presidentes së Republikës së Kosovës, znj. Vjosa Osmani-Sadriu, iu dorëzua Shenja e Nderit e Universitetit të Sofjes “Shën Kliment Ohridski” me gjerdan. Propozimi për ndarjen e çmimit është i Fakultetit Juridik të Universitetit dhe është me rastin e vizitës së znj. Osmani-Sadriu në Republikën e Bullgarisë. Çmimi jepet në lidhje me punën e Presidentes Osmani-Sadriu si juriste me njohje ndërkombëtare në vendin e saj.

Shkëlqesia e Saj Vjosa Osmani-Sadriu falënderoi për çmimin dhe theksoi se ai do të përfaqësojë miqësinë mes Bullgarisë dhe Kosovës dhe partneritetin mes dy vendeve tona, i cili do të vazhdojë edhe në të ardhmen. Znj. Vjosa Osmani-Sadriu theksoi se edhe pse Kosova dhe Bullgaria nuk kanë një kufi të përbashkët, ata e konsiderojnë Bullgarinë si një fqinj të ngushtë dhe shumë të mirë, partner strategjik dhe aleat dhe duan të thellojnë marrëdhëniet bilaterale ndërmjet dy vendeve tona.

Ajo mbajti një fjalim akademik me temë: “Busulla Strategjike e Evropës Juglindore: Stabilizimi i Paqes dhe Prosperitetit përmes Integrimit Euro-Atlantik”.

Në kuadër të aktivitetit Presidentja e Republikës së Kosovës Vjosa Osmani-Sadriu i dorëzoi Departamentit të Gjuhësisë së Përgjithshme, Indoevropiane dhe Ballkanike në Fakultetin e Filologjisë Sllave Medaljen Shtetërore për Kontribute në Gjuhën, Letërsinë dhe Kulturën Shqiptare.

• Sipas presidentes së Kosovës, Vjosa Osmani, “Ballkani i Hapur” po pengon rrugën evropiane të rajonit

• Bullgaria insiston të respektohen të drejtat e bullgarëve në Kosovë

• Presidenti i Kosovës po vjen për një vizitë zyrtare në Bullgari