Pas “një tjetër gare” mbrëmë mes organeve të rendit dhe një veture me 18 emigrantë, në rrugën Ellhovo-Burgas, sërish ka viktima. Në incident ka të plagosur lehtë - një grua dhe një fëmijë, shtetas të Irakut dhe Sirisë. Shoferi gjeorgjian u ndalua dhe pjesa tjetër e të huajve që kanë kaluar ilegalisht u dërguan në qendrën e refugjatëve në Ellhovo. Sipas kryetarit të komunës së Boljarovos, Hristo Hristov, kalimi i grupeve të mëdha të banorëve të paligjshëm përtej kufirit tani është një dukuri e përditshme. Të plagosurit janë vendosur në Repartin Kirurgjik të Spitalit Rajonal Jamboll. Gjendja e tyre paraditen e sotme është stabile dhe nuk ka rrezik për jetën apo shëndetin e tyre.