Bullgaria do të diskutojë me Komisionin Evropian nëse vendi ynë mund të eksportojë produkte nga nafta e përpunuar ruse, njoftoi zëvendëskryeministri në detyrë dhe ministri i transportit Hristo Aleksiev. Ndërkohë që bisedimet janë duke vazhduar, vendi ynë nuk do të ndërmarrë asnjë veprim, theksoi ai. “Në rregullore nuk ka asnjë ndalim të shprehur për eksportin e produkteve të naftës nga nafta bruto ruse e përpunuar. Ka një ndalim për naftën bruto që merret me tubacion dhe jo me transport detar. Bullgaria importon naftë nga deti”, shpjegoi Aleksiev.

Të hënën “Llukoill Neftohim Burgas” njoftoi se nga viti 2023 do të transferojë të gjithë aktivitetin e saj ekonomik në Bullgari. Kompania këmbënguli që të ketë të drejtën të eksportojnë produkte të naftës nga nafta ruse, përndryshe ndërmarrja do të mbyllet. Sipas Aleksiev, konsumi në Bullgari është gjysma e asaj që prodhohet nga rafineria.

• “Llukoill Neftohim Burgas” i transferon të gjitha aktivitetet ekonomike në Bullgari