Sot në mëngjes nis nata e teatrove. Mesazhi i nismës europiane në vendin tonë është “Për nëntë net në dhjetë”. Programi i tij përfshin mbi 100 shfaqje të zhanreve të ndryshme teatrore në 13 qytete - Sofje, Plovdiv, Varna, Burgas, Ruse, Stara Zagora, Bllagoevgrad, Pleven, Shumen, Simitli, Kërxhali, Tërgovishte, Pazarxhik.
Fillimi simbolik i edicionit të dhjetë të "Natës së Teatrove" u vendos mbrëmë në Plovdiv me shfaqjen më të re të teatrit dramatik të qytetit - "Vampir" nga Anton Strashimirov. Në shumicën e vendeve, nisma do të fillojë sot me shfaqje në mëngjes dhe punëtori për fëmijë. Për herë të parë, Teatri Kombëtar i kryeqytetit "Ivan Vazov" do të ofrojë një program 12-orësh në të gjitha skenat e tij. Opera dhe Baleti i Sofjes do të hapë dyert e saj për një turne në prapaskenë, dhe teatrot arsimore të Akademisë Kombëtare për Arte Teatrale dhe Filmore, Universitetit të Sofjes dhe Universitetit të Ri Bullgar do të na njohin me produksionet e tyre më të fundit me hyrje falas.
Trienalja Ndërkombëtare e Posterëve të Skenës do të prezantojë disa ekspozita intriguese në Institutin e Kulturës Polake, “Kuadrat 500”, “Galeria 88” dhe Sallën e Mermerit të Pallatit Kombëtar të Kulturës. Më shumë për iniciativat në Sofje, mund shikoni KËTU.
Përpiloi: Veneta Nikollova
Përgatiti në shqip: Vesella Mançeva
Brazili është ndoshta një nga destinacionet më pak të njohura për të emigruar mes bullgarëve sot. Vetë vendi nuk ka një standard jetese kaq të lartë, megjithatë bashkatdhetarët tanë që kanë zgjedhur të jetojnë atje janë shumë të kualifikuar...
Filmi "Triumfi" i dyshes regjisoriale Kristina Grozeva dhe Petër Vëllçanov është propozimi bullgar për çmimet "Oskar", njoftuan nga Qendra Kinematografike Kombëtare. Përzgjedhja jonë për kategorinë e filmit ndërkombëtar në çmimet e 97-të të..
Si dukej Sofja në vitet 1970? Kësaj pyetjeje i përgjigjet ekspozita fotografike "Stacioni Sofja '70" me foto arkivore të fotografit të njohur bullgar Panajot Bërnev. Arkivi i panjohur me fotografi të Panajot Bërnev na kthen në..