Iniciativa e Evropës Qendrore konfirmoi mbështetjen e vendeve pjesëmarrëse për zgjerimin e BE-së. Kjo ndodhi në një takim dyditor në Sofje, të organizuar nga Ministri i Punëve të Jashtme, Nikollaj Millkov. Fokusi kryesor i takimit ishte lufta e Rusisë në Ukrainë. Millkov theksoi dëshirën e vendeve të iniciativës për të punuar “të bashkuar dhe në koordinim” për tejkalimin e pasojave të luftës dhe ndikimin e tyre në të gjithë rajonin.

Bullgaria i dorëzon Moldavisë presidencën e rotacionit të Iniciativës së Evropës Qendrore nga 1 janari i vitit të ardhshëm. Si kandidat anëtar për anëtarësim në BE, gjatë presidencës së saj, Moldavia do t’i përqendrojë përpjekjet e saj në integrimin evropian të rajonit, deklaroi sekretari shtetëror i Moldavisë Vlladimir Kuk.