Mësuesi frymëzues, historian dhe studiues nga Svilengradi Dimitër Gilev fitoi votën e audiencës në fushatën publike kombëtare të Radios Kombëtare Bullgare “Iluministi i vitit 2022”. “Ky është një nder i madh për mua dhe një tjetër dëshmi se puna ime prek njerëzit”, tha Dimitër Gilev pasi mori dekoratën. Ai u bëri thirrje të gjithë bullgarëve që të mos flasin më për Bullgarinë si vend, por të kuptojnë se ajo është atdheu ynë. Mësuesi 29 vjeçar, shpesh hyn në klasë i veshur me një kostum nga e kaluara për t’u dhënë nxënësve mësimet në mënyrë autentike. Në platformën e tij në internet “Bullgaria e lashtë”, Gilev ngarkon video, artikuj dhe botime me të cilat synon të zgjojë popullin bullgar.