Rusia paralajmëroi se do të ndalojë eksportin e gazit në Evropë nëse Kontinenti i Vjetër përpiqet të vendosë një tavan mbi çmimin e naftës. Drejtori ekzekutiv i “Gazprom”, Aleksej Miller, e arsyetoi kërcënimin me kontratat aktuale në të cilat çmimi i gazit është i lidhur me atë të naftës. Deklarata e tij në televizionin shtetëror rus vjen ndërsa vendet e BE-së debatojnë nëse do të vendosin një kufi çmimi për gazin natyror si një masë kundër rritjes së çmimeve të energjisë elektrike. Një vendim për të kufizuar çmimin e naftës tashmë u miratua dhe do të hyjë në fuqi nga fillimi i dhjetorit.
Disa shpërthime u dëgjuan herët këtë mëngjes në Kiev - një javë pas sulmeve ruse në qytet. Sipas Andrij Ermak, kreut të zyrës së presidentit ukrainas, qendra e kryeqytetit u godit nga dronët kamikaze. Nuk ka të dhëna për viktima. Presidenti Vollodimir Zelenski njoftoi për luftime intensive midis forcave ruse dhe ukrainase rreth dy qyteteve në rajonin Doneck në Ukrainën Lindore.
Ish-komandanti i forcave amerikane në Evropë, Gjen. Ben Hoxhis parashikoi se Gadishulli i Krimesë i pushtuar nga Rusia mund të çlirohet deri në verën e vitit të ardhshëm. “Situata e rusëve po përkeqësohet çdo javë”, tha ai në një intervistë për “Frankfurter algemajne cajtung”.
Ushtarët rusë pushkatuan një dirigjent ukrainas në shtëpinë e tij pasi ai refuzoi të merrte pjesë në një koncert në Herson të pushtuar, njoftoi Ministria e Kulturës e Ukrainës. Jurij Kerpatenko nuk pranoi të drejtojë në shfaqjen e shpallur nga pushtuesit si një demonstrim i të ashtuquajturit përmirësim të jetës paqësore në Herson. “Kur territoret tona çlirohen, do të mësojmë për dhjetëra e qindra histori të tilla të tmerrshme”, komentoi shkrimtari ukrainas Oleksandër Mihed, i cili iu bashkua ushtrisë në fillim të luftës.
Në Këshillin për Bujqësi dhe Peshkim në Luksemburg, Bullgaria dhe 26 vendet e tjera të BE-së mbështetën kërkesën që Politika e Përbashkët Bujqësore e ardhshme pas vitit 2027 të zgjidhë çështjen e shpërndarjes së drejtë të pagesave në këtë sektor...
Paraditen e së mërkurës rreth pellgjeve ujore dhe ultësirave do të ketë mjegull, ndërsa në luginat do të formohet ngrica. Gjatë ditës do të jetë kryesisht me diell. Temperaturat minimale do të jenë nga minus 1° deri në 6°, në Sofje 1°...
Pas shumë vitesh punë, Drejtoria e Përgjithshme “Lufta kundër Krimit të Organizuar” ka zbardhur një grup kriminal në qytetin e Shumenit(Bullgaria Verilindore) që ka prodhuar kartëmonedha false, bëri të ditur në një konferencë komisari Bojan Radev,..
Gjeneratorët tokësorë me jodur argjendi për mbrojtje kundër breshëritë do të testohen pilot në 2 zona ku nuk lejohet shfrytëzimi i raketave, njoftoi..
Në një konferencë të përbashkët për shtyp në Shkup me kryeministrin e Maqedonisë së Veriut, Hristijan Mickoski, presidentja e Komisionit Evropian,..
Në qytetin e Vracës (Bullgaria Veriperëndimore) do të krijohet një qendër për zhvillimin e energjisë dhe shkencave të reja. Në këtë drejtim u..