Fillon puna për krijimin e një harte investimi për riindustrializimin e Bullgarisë, e cila do të bazohet në lëndët e para të nxjerra në vend. Për këtë u pajtuan ministri i ekonomisë dhe industrisë Nikolla Stojanov dhe Dhoma Bullgare e Minierave dhe Gjeologjisë. Sipas Stojanov, Bullgaria ka sasi të mëdha të burimeve nëntokësore, të cilat aktualisht përdoren tërësisht për eksport dhe këto janë përfitime të humbura për ekonominë bullgare. Ideja e qeverisë është të tërheqë investitorët duke përdorur burimet lokale sa më afër tyre. Kjo do të rrisë edhe të ardhurat e popullsisë në të gjitha rajonet, theksoi ministri.