Ukraina nuk mund të trembet nga sulmet me raketa, tha Presidenti Volodimir Zelenski në fjalimin e tij televiziv të mbrëmjes në lidhje me sulmet masive ajrore kundër të gjithë vendit. Si rezultat i sulmeve u vranë 19 persona dhe u plagosën mbi 105. Natën e së martës, Rusia sulmoi sërish me dronë kamikaze iraniane rajonin Zaporozhie dhe një termocentral në rajonin Vinica.
Sulmi vetëm do të rrisë ndihmën ushtarake për Ukrainën, komentoi këshilltari i presidentit ukrainas Aleksej Arestoviç.
Në një bisedë telefonike me Zelenski, presidenti amerikan Joe Biden dënoi sulmet ruse me raketa dhe premtoi se do të vazhdojë t’i ofrojë Ukrainës mbështetjen që i nevojitet për mbrojtjen e saj, duke përfshirë sistemet e avancuara të mbrojtjes ajrore. Ai gjithashtu theksoi angazhimin e vazhdueshëm të Shteteve të Bashkuara, së bashku me aleatët dhe partnerët, për të vazhduar vendosjen e sanksioneve ndaj Rusisë dhe për ta mbajtur Rusinë përgjegjëse për “krimet e saj të luftës dhe mizoritë”.
Komisioni Evropian po punon për t’i ofruar Ukrainës ndihmë prej rreth 1.5 miliardë euro në muaj në vitin e ardhshëm buxhetor, njofton botimi "Politico".
Biden, së bashku me pjesën tjetër të liderëve të G7, do të zhvillojnë një takim me video-konferencë më 11 tetor për të diskutuar “angazhimin e palëkundur për të mbështetur Ukrainën”, njoftoi Shtëpia e Bardhë. Në takim do të marrë pjesë edhe presidenti ukrainas Zelenski. Pas forumit, thirrеш një takim i jashtëzakonshëm i grupit “Ramstein” të vendeve që ofrojnë ndihmë ushtarake për Ukrainën.
Zëdhënësja e Ministrisë së Jashtme ruse, Marija Zaharova, akuzoi Shtetet e Bashkuara se po pengojnë zgjidhjen paqësore të konfliktit në Ukrainë, sepse duan humbjen strategjike të Rusisë, ndërsa Moska është e gatshme për negociata, por për përmbushjen e kushteve të saj për Ukrainën, njoftoi Reuters. SHBA dhe aleatët e tyre i janë afruar vijës së kuqe, duke vazhduar të “pompojnë” Kievin me armë, tha ambasadori rus në Uashington, Anatolij Antonov, cituar nga TASS.
Nëse zgjedhjet do të mbaheshin në fund të shtatorit, në parlament do të hynin 7 parti politike, sipas një studimi të “Alpha Research”. GERB ka 23.9% mbështetje. Pas tyre renditet “Po e vazhdojmë ndryshimin – Bullgaria Demokratike” (PP-DB) me 14,4..
Bullgaria mbështet misionin fisnik të OKB-së dhe politikat e zhvillimit, jo konfliktet ushtarake për të përcaktuar të ardhmen e njerëzimit. Kështu deklaroi presidenti Rumen Radev në një takim me Sekretarin e Përgjithshëm të OKB-së Antonio Guterres..
Me iniciativën e Këshillit të Evropës, Dita Evropiane e Gjuhëve festohet çdo vit më 26 shtator. Nisma, e mbështetur nga Komisioni Evropian dhe Këshilli i Evropës, synon të promovojë diversitetin kulturor dhe të stimulojë mësimin e gjuhëve. Gjatë..
Bullgaria fitoi tre medalje ari dhe një argjendi në Olimpiadën Ballkanike të Informatikës, e cila u mbajt në Ohër. Medalje të artë kanë Daniell..
Një ekip i Operatorit Shtetëror të Aviacionit është gati të fluturojë për në Liban menjëherë sapo të ketë dritë jeshile për evakuimin me faza të..
Ditën e martë do të mbajë mot me diell në pjesën më të madhe të vendit. Në rajonet verilindore dhe në Detin e Zi vranësirat do të jenë të..