Është gjetur kutia e zezë e bombarduesit Su-25 që u rrëzua pasditen e djeshme në bazën ajrore Bezmer. Kështu ka bërë të ditur sot prokurori ushtarak i qarkut, kolonel Hristo Tinev nga Prokuroria Ushtarake Sliven.

• Aksident me një avion ushtarak pranë Bezmerit, piloti është katapultuar
  

Pritet që të merret në pyetje piloti i avionit, kolonel Pejo Donçev, i cili po trajtohet në Akademinë Ushtarake-Mjekësore të Sofjes. Gjendja e pilotit është e qëndrueshme, jashtë rrezikut për jetën. Prokuroria Ushtarake ka nisur marrjen në pyetje të zyrtarëve të përfshirë në ngjarje, ndërsa vendi ku ndodhi ngjarja është duke u riekspertuar. Versionet e rrëzimit janë një mosfunksionim teknik i mundshëm i avionit, gabim i pilotit ose rrethana të tjera të paparashikuara. Gjithashtu sqarohet se në çfarë lartësie ka ndodhur aksidenti, i cili raportohet se ka ndodhur gjatë uljes.