Festivali i 40-të i Kinemasë Bullgare “Trëndafili i Artë” mbahet nga 23 deri më 29 shtator në qytetin bregdetar Varna. Programi përfshin 14 filma artistikë me metrazh të gjatë dhe 5 filma me metrazh të shkurtër nga krijues bullgarë dhe bashkëprodhime me pjesëmarrje bullgare. Përzgjedhja “Horizontet e hapura” përfshin titujt më të fundit bullgarë.

Paralelisht do të prezantohen librat “I dërguari i kohës së burrave: kujtime për Grigor Vaçkov”, “Sa e rëndësishme është të jesh i dashur” për artistin Stefan Danaillov dhe përmbledhja me tregime “Brejtësit” nga Valeri Jordanov.

Ka tryeza të rrumbullakëta kushtuar grave regjisore bullgare, sfidave digjitale dhe tërheqjes së audiencës së re.

Hapja të premten është me bashkëprodhimin e Serbisë, Kroacisë, Bullgarisë dhe Sllovakisë “Si mësova të fluturoj”.