Partitë dhe kandidatët për deputetë duhet ta ndërtojnë fushatën e tyre parazgjedhore në bazën e programeve konkurruese dhe zgjidhjeve të punës për dalje nga kriza, e jo në bazë të sulmeve personale. Kështu i këshilloi politikanët presidenti Rumen Radev.

Sipas tij, në këtë mënyrë do të rritet pjesëmarrja e votuesve dhe do të arrihet legjitimitet i lartë i votës. Kreu i shtetit vuri në dukje gjithashtu nevojën që partitë të mos djegin urat mes tyre, sepse brenda pak javësh do të duhet të punojnë për mazhorancën qeverisëse dhe formimin e qeverisë. Rumen Radev u takua me përfaqësues të Organizatës për Siguri dhe Bashkëpunim në Evropë. Zyra e organizatës për Institucionet Demokratike dhe të Drejtat e Njeriut hapi më 31 gusht një mision për të monitoruar votimin e parakohshëm parlamentar më 2 tetor.