Numri i qendrave të votimit jashtë vendit për zgjedhjet e jashtëzakonshme parlamentar të 2 tetorit do të jetë 755, vendosi Komisioni Qendror i Zgjedhjeve - KQZ. Seksionet janë 5 më shumë se në zgjedhjet e fundit në nëntor 2021. Për 4 vende - Austri, Gjermani, Kanada dhe Norvegji, formimi i seksioneve jashtë misioneve diplomatike dhe konsullore mbetet i kushtëzuar deri më 16 shtator, kur pritet leja përfundimtare nga vendet pritëse, tha zëdhënësi i KQZ-së Cvetozar Tomov.

Për shkak të numrit të madh të njerëzve që dëshirojnë të votojnë në Republikën Çeke, në Ambasadën në Pragë, do të hapen 3 seksione, sepse shteti çek lejon që votimi të bëhet vetëm në përfaqësitë diplomatike dhe konsullore, sqaroi Tomov.