Me muzikë dhe vetëm me muzikë është e përmbushur jeta e muzikantit të njohur nga qyteti Asenovgrad Dimitër Angellov. Kërkimet e tij krijuese në gjininë e muzikës trake, folklorin qytetar, aktivitetet e regjistrimit janë me shumë drejtime. Dimitër Angellov është fizarmonicist virtuoz, solist i valleve të stilizuara trake, një njeri i cili vet aranzhon repertorin e tij dhe drejtues i grupit të krijuar prej tij “Grupi popullor i Asenovgradit” gjatë vitit 1965. Është një nga muzikantët e kuartetit unikal “Rodoljubie”/atdhedashësi/, i formuar prej muzikantëve që u bien harmonikave të gojës. Gjendja shpirtërore festive si dhe shkëlqimi janë karakteristike për krijimtarinë e tij festive.
Shumë herë me radhë ai ka qenë për vizitë në Turqi, Çekosllovaki, Gjermani dhe Qipro...Punon me këngëtaret e njohura Kalinka Vëllçeva, Elena Gramatikova, Irina Traçeva, Ivanka Angellova e të tjerë. Muzikanti e njeh edhe gjininë e folklorit qytetar me grupin e drejtuar prej tij “Vëllshebni Mellodii”/ melodi magjepsëse/, me të cilët fiton dhe çmime të shumta prestigjioze në festivale dhe konkurse të ndryshme. Këngët maqedonase po kështu bien në gamën e tij muzikore - ai është drejtues i korit pranë shoqatës maqedonase “Dimo Haxhidimov” në Asenovgrad. Incizimet e tij të para për fondin e Radios Kombëtare Bullgare ai i bën akoma gjatë vitit 1966. Ka një diskografi të pasur si fizarmonicist dhe autor i aranzhimeve, të përfshira në albume të shumta.
Për Radio Bullgarinë Dimitër Angellov thotë:
“Fizarmonika...Më mahniti vëllai im Angell Angellov, i cili është 5 vjet më i madh se unë.Ai ishte muzikant në orkestrën e frymëmarrjes në qytetin Asenovgrad. Mësuesi i tij e kishte mësuar të ekzekutojë dhe në fizarmonikë. Kështu më tërhoqi dhe mua, saqë nuk më zinte gjumi. Kur vinte tek ne gjatë kohës së pushimeve unë e dëgjoja me kënaqësi të madhe tingullin e fizarmonikës. Kështu që, vëllai im është mësuesi i parë dhe i fundit. Gjatë viteve nuk jam marrë me asgjë tjetër. Kjo qe ëndrra ime e vetme, dëshira e vetme në jetë. Gjatë vitit 1993 incizova një disk, që ishte një novitet në atë kohë. Realizova dhe incizime në Radio Sofjen. Më e rëndësishmja për mua qe, se incizova një album me këngëtarin e madh Kostadin Gugov. Ky ishte albumi i tij i fundit përpara se të largohet nga kjo botë.
Dimitër Angellov tregoi po kështu se djali i tij - Rumen Angellov merr pjesë në realizimin e albumeve në studio:
“Ai më ndihmoi, sepse unë nuk e zotëroja kompjuterin. Më tregoi programet, me të cilat të punoj, për të cilën unë i jam shume mirënjohës. Djali im është një muzikant shumë i mirë si dhe aranzhor. Jeta ime ecën vetëm dhe vetëm me muzikë. Kjo është dhe ëndrra ime e realizuar - të cilën ia uroj secilit. Kam dhe respektin e njerëzve. Më bënë qytetar nderi të qytetit Asenovgrad. Unë jam i kënaqur nga rruga ime muzikore. Shpresoj që aty rreth 1 nëntorit, bashkë me kolegë të festojmë jubileun tim.”
Shëndet dhe akoma shumë koncerte të shkëlqyera të ndjekin rrugën muzikore të Dimitar Angjellovit!
Përgatiti në shqip: Nataniela Vasileva
Gjashtë vjet pasi në tregun muzikor doli albumi i fundit i Mary Boys Band “Ditë të lumtura”, grupi thotë “Përshëndetje”, duke u rikthyer me një këngë të re me të njëjtin emër. Gjatë kësaj periudhe, vetë Maria - Maria Mutafçieva - realizoi albumin e..
Konkursi i Radios Kombëtare Bullgare (BNR) për Këngën e Re Bullgare "Pranvera" u mbajt për të 55-tën herë. Që nga fillimi i tij në vitin 1970, ky forum muzikor stimulon vazhdimisht autorët dhe interpretuesit vendas për të krijuar muzikë të re. Çmimet..
Dy emra yjesh nga dy breza të muzikës bullgare - Ljubo Kirov dhe Mihaella Marinova - po takohen sërish. Së bashku i dëgjuam për herë të parë në vitin 2020 në versione duete në këngën tashmë hit të Ljubo Kirovit "Mundem". Ishte një sukses i tillë..
Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të..
Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh..