“Vallja mbarëpopullore për Bashkim" i bashkon bullgarët e shpërndarë nëpër botë në ditën e sotme të Bashkimit të Bullgarisë - 6 shtator. Ideja është që me moton "Bashkimi e bën forcën" në ditën festive, bullgarët, kudo që janë - në Bullgari apo jashtë vendit, në shtëpi, para pallatit të banesave, në park apo në rrugë, të hedhin vallen tradicionale bullgare.

“Të moshuarit dhe të rinjtë do të bashkojnë duart për të bashkuar forcat për të ngritur shpirtin bullgar, i cili gjatë shekujve i ka dhënë forcë popullit tonë për të kapërcyer edhe vështirësitë më të mëdha”, tha Georgi Anadollov, kryetar i Shoqatës "Mburoja Bullgare" për BNR Bllagoevgrad”, një nga iniciatorët e ngjarjes.