Qeveria miratoi dekretin për organizimin dhe koordinimin e negociatave të Bullgarisë për anëtarësim në Organizatën për Bashkëpunim dhe Zhvillim Ekonomik - OECD. Anëtarësimi në OECD është përpjekja më serioze integruese e vendit pas anëtarësimit në BE dhe NATO. Ai prek pothuajse të gjitha sferat e jetës publike, tha në një konferencë për shtypin Ministri teknik i Jashtëm Nikollaj Millkov.

Motoja e OECD-së është “Politika më të mira për jetë më të mirë”. Kjo vlen edhe për zbatimin e praktikave më të mira në shkallë globale, theksoi ministri. Prandaj, ne duam të marrim pjesë jo vetëm në “Klubin e të pasurve”, siç e quajnë zakonisht dhe gabimisht OECD, por në klubin e ndarjes së praktikave më të mira dhe politikave botërore, tha diplomati.