Sipas të dhënave më të fundit të Eurostat për vitin 2020, të publikuara sot, 80për qind e bullgarëve në moshë pune deri në 65 vjeç që jetojnë në familje me aktivitet të ulët ekonomik janë në rrezik të varfërisë. Sipas këtij treguesi, vendi ynë renditet i katërti ndër vendet anëtare të Bashkimit Evropian, sipas të cilit, mesatarisht, 64 për qind e evropianëve të aftë për punë nga familje me aktivitet të ulët ekonomik janë në rrezik të varfërisë.

Lituania renditet e para me 85.4 për qind, e ndjekur nga Rumania dhe Letonia - përkatësisht 84.2 dhe 80.6 për qind. Në vendin e fundit sipas këtij treguesi është Danimarka me 48.7 për qind.

Aktiviteti i ulët ekonomik për familjen llogaritet si raport i numrit të muajve në të cilët çdo anëtar i familjes në moshë 18 - 64 vjeç ishte i punësuar në vitin e kaluar me numrin total të muajve që i njëjti anëtar i familjes teorikisht mund të kishte punuar me punësim të plotë.