Për herë të parë në Bullgari nis një program për trajnimin dhe punësimin e personave me autizëm në një kompani IT. Programi inovativ tashmë dëshmoi efektivitetin e tij në vendet anglisht-folëse. Këtë e thanë para BNR-së Ana Andreeva-Sapunxhieva, psikologe klinike nga Shoqata e Prindërve “Autizëm” dhe Martin Bllagoev, përfaqësues i DXC Technology - kompania që do të nisë programin në Bullgari.

Në Bullgari, perspektiva për njerëzit me autizëm është shumë negative. Pas përfundimit të shkollës, ata qëndrojnë në izolim, në shtëpi, shpjegoi Andreeva. Ajo shtoi se shpesh programet për (ri)kualifikim në zyrat e punës nuk janë të zbatueshme për to. Për të aplikuar për programin e ri, personat me autizëm duhet të kuptojnë anglisht. Ata do të kalojnë një intervistë që është përshtatur posaçërisht për ta.