Gazi natyror u rrit me 32 për qind dhe në mënyrë retroaktive nga 1 korriku, kushton 186.17 leva për megavat orë pa taksa, vendosi Komisioni për Rregullimin e Energjisë dhe Ujit. Me këtë çmim, “Bullgargaz” do t’ua shesë karburantin blu furnizuesve fundorë të gazit natyror dhe personave të cilëve u është dhënë licenca për prodhimin dhe transportimin e energjisë termike. “Situata në të gjithë Evropën me furnizimin me gaz është jashtëzakonisht e komplikuar, por lajmi i mirë është se do të kemi gaz në korrik”, komentoi kryetari i Komisionit Stanisllav Todorov. Sipas tij, është e detyrueshme që depoja e gazit “Çiren” të mbushet 80 për qind deri në fillim të sezonit të ngrohjes. “Çmimet do të vazhdojnë të rriten për sa kohë që ka një luftë në Ukrainë dhe për sa kohë që Rusia përdor furnizimet me energji si një armë presioni”, parashikoi Stanisllav Todorov.