Tendenca që numri i të papunëve të tejkalojë të punësuarit po ndryshon për herë të parë që nga fillimi i vitit. Në fund të qershorit dhe në fillim të korrikut në zyrat e punësimit u regjistruan nën 5 mijë veta, përderisa të punësuarit janë mbi 10 mijë. Sipas ekspertit të tregut të punës pranë Konfederatës së Sindikatave të Pavarura Atanaska Todorova numri i madh i atyre që filluan punë është për shkak të programeve të nisura për punësimin e të papunëve në aktivitete të përgjithshme të dobishme pranë komunave, si dhe të programit të ri “Solidariteti”, orientuar te shtetasit ukrainas. Që nga fillimi i vitit, të papunët e regjistruar në të gjithë vendin janë më shumë se 128 000, ndërsa rreth 94 000 filluan të punojnë përmes zyrave të punës.