Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Zgjedhjet e parakohshme – skenari i mundshëm për daljen nga kriza politike

Mbështetja e deputetëve të pavarur nuk garanton arritjen e synimeve të përcaktuara

Kirill Petkov dhe Asen Vasilev pas raundit të radhës të negociatave të dielën. Të paktën tani për tani, një qeveri e ardhshme me mandat të "Po e vazhdojmë ndryshimin" nuk mbledh shumicën e mjaftueshme në Parlament.
Foto: BGNES

Që të premten, menjëherë pasi kandidati për kryeministër i partisë “Po e vazhdojmë ndryshimin” Asen Vasilev mori mandatin nga Presidenti, partia filloi negociatat për formimin e qeverisë së re në përbërjen aktuale të Legjislaturës së 47 të Kuvendit Popullor. Pas takimeve me Partinë Socialiste Bullgare (BSP), “Bullgarinë Demokratike” dhe deputetët e pavarur është e qartë se tani për tani qeveria merr 116 vota, të cilat janë të pamjaftueshme për t'u konstituuar dhe për të filluar punën. Bisedimet mes “Po e vazhdojmë ndryshimin” dhe përfaqësuesve të tjerë vazhdojnë deri të premten, kur partia duhet ta kthejë mandatin e Presidentit. Dje në postimin e tij në rrjetin social, lideri i “Ka një popull të tillë” (ITN) Sllavi Trifonov përsëri akuzoi partnerët e tij të deritanishëm të koalicionit se po përpiqen të bindin të gjithë deputetët e partisë së tij që të mbështesin një qeveri të formuar nga Asen Vasilev.

Emill Sokollov

“Ajo që shkroi dje Sllavi Trifonov duket sikur ai është përballur me një fakt të kryer, domethënë bisedat e zhvilluara me deputetët e ITN-së duket se kanë qenë produktive për “Po e vazhdojmë ndryshimin”, thekson analisti politik Emill Sokollov në një intervistë për BNR. – Duket se mbështetja për qeverinë “Vasilev” do të vijë pikërisht prej andej, pasi nuk mund të mohohet kolapsi në parti që po e shohim”.

Nga ana e tij, politologu Antoni Gëllëbov është shumë më i rezervuar sa i përket dhënies së mbështetjes së nevojshme për kabinetin "Vasilev".

Antoni Gëllëbov

“Nuk mund të jem optimist për rezultatin e këtyre negociatave, por nuk ka dyshim se do të bëhen përpjekje”. Arritja e synimeve të përcaktuara nuk mund të garantohet, qoftë edhe në një afat të shkurtër, nga mbështetja e deputetëve të pavarur. Nuk mendoj se me marrëdhëniet aktuale mes grupeve parlamentare është e mundur të formohet i ashtuquajturi koalicioni euroatlantik. Lëvizja për të Drejtat dhe Liritë (DPS) deklaruan se do të përpiqen për të formuar një koalicion të tillë, por pas zhvillimit të zgjedhjeve të reja. Më duket se qëndrimi i GERB-it nuk është shumë i ndryshëm, ndaj i konsideroj shumë të mundshme zgjedhjet e parakohshme”.

Tezën e zgjedhjeve të parakohshme e mbron edhe politologja Milena Stefanova. Sipas fjalëve të saj:

Milena Stefanova

“Me gjithë euforinë e parë pas formimit të koalicionit të katërfishtë në fund të vitit të kaluar, mandati gjashtëmujor i qeverisjes tregoi se ata nuk i kanë mësuar mësimet e qeverisjes së një shteti modern demokratik. Prandaj, shpërbërja e tij është logjike dhe numri i pamjaftueshëm i deputetëve të tre partive të tjera nuk nënkupton formimin e suksesshëm të një kabineti të ri.”

Përpilues: Joan Kolev

Përgatiti në shqip: Vesella Mançeva

Foto: BGNES, arkiv




Последвайте ни и в Google News Showcase, за да научите най-важното от деня!

Më shumë nga rubrika

Presidentja e re e Meksikës Claudia Sheinbaum

Presidentja e parë femër e Meksikës është me origjinë bullgare

Për herë të parë në historinë e Meksikës, një grua presidente, Claudia Sheinbaum, është në krye të vendit. "Për herë të parë në historinë 200-vjeçare të republikës, unë do të jem presidentja e parë femër e Meksikës," u tha mbështetësve të saj..

botuar më 24-06-03 3.52.MD

Ngjarjet me adresë ballkanike

Reagime të stuhishme në Ballkan pas rezolutës së OKB-së për gjenocidin në Srebrenicë Reagime të stuhishme në Ballkan shkaktoi rezoluta e OKB-së për gjenocidin në Srebrenicë, me të cilën 11 korriku u shpall Dita Ndërkombëtare e Përkujtimit të..

botuar më 24-05-31 2.47.MD

Presidenti Radev: Maqedonia e Veriut duhet të tregojë se dëshiron të jetë pjesë e një Evrope të bashkuar

Nga Roma, presidenti bullgar Rumen Radev i dërgoi mesazh Presidentes së Republikës së Maqedonisë së Veriut, Gordana Siljanovska-Davkova, se Bullgaria pret ndryshim në retorikë dhe fund sa më të shpejtë të gjuhës së urrejtjes. RSM duhet të tregojë..

botuar më 24-05-23 6.28.MD