Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Plovdivi nderon me ekspozitë donatorin më të madh në shëndetësinë bullgare

Foto: Muzeu Historik Regjional - Plovdiv

Në vitin 2022 mbushen 160 vjet nga lindja e Dimitër Petrov Kudogllu, i njohur akoma si donatori më i madh i shëndetësisë bullgare.Lidhur me këtë në pjesën lindore të Kopshtit “Mbreti Simeon” në qendër të qytetit është renditur një ekspozitë speciale me 20 panele, hapja zyrtare e të cilave është më 4 korrik. Vendi nuk është i zgjedhur rastësisht - përballë, ku sot është Posta Qendrore e qytetit Plovdiv, dikur ndodhej “Shtëpia e Bamirësisë dhe e Shëndetit Publik”, e krijuar nga Dimitër Kudogllu në vitin 1927, në mënyrë që të varfrit të mjekohen pa pagesë nga sëmundjet më të rrezikshme për shoqërinë e asaj kohe - tuberkulozi, sëmundjet veneriane dhe vdekshmëria e fëmijëve, saktëson Muzeu Historik Rajonal në qytetin Plovdiv.

Dimitër Petrov Kudogllu ka lindur më 21 gusht 1862 në fshatin bullgar Gabrovo, në Trakinë e Detit të Bardhë. Ai trashëgoс nga gjyshi i tij tregtinë me duhan, duke e shumëzuar pasurinë e familjes. Pas vitit 1903 utransferua në Dresden-një nga qendrat evropiane për tregti me një duhan të papërpunuar.

Dimitër Kudogllu

Aksionet bamirëse të Kudogllus filluan që në fillim të shekullit të 20-të me sigurimin e një godine spitalore dhe pagesën e një mjeku për të trajtuar pa pagesë bashkëfshatarët e tij në Gabrovo. Pas djegies së fshatit në vitin 1913 nga trupat greke, ai i ndihmonte bashkëfshatarët e tij - refugjatë në Plovdiv. Gjatë luftërave në dekadat e para të shekullit të kaluar donacionet e tij për ushtarët, për mensat e shkollave falas dhe për "Kryqin e Kuq" kalojnë 1 milionë leva. Ai financonte studimet e bullgarëve të talentuar në Evropë.

Sipërmarrësi i fokuson nismat e tij filantropike në kujdesin shëndetësor, duke menduar se në këtë mënyrë ai ndihmon në krijimin e një brezi të ardhshëm të shëndetshëm fizikisht dhe moralisht. Gjatë vitit 1927 ai realizon idenë e vet për krijimin në Plovdiv të një objekti shëndetësor i tipit dispanseri, ku të varfrit të mjekohen falas prej mjekëve më të mirë bullgarë.

Deri në vitin 1944  fondet e dhuruara prej tij për spitalin i kalojnë 41 milionë leva. Padyshim që ky është donacioni më i madh për shëndetësinë bullgare dhe institucioni i kujdesit shëndetësor është admiruar nga dhjetëra gazeta dhe specialistë evropianë. Dimitër Kudogllu vdes në qytetin Plovdiv gjatë vitit 1940, kurse në vitet e pushtetit socialist në vend, veprimtaria e tij  zhytet në një harresë, rikujtojnë nga Muzeu Historik Regjional.

Redaktore: Elena Karkallanova

Përgatiti në shqip: Nataniela Vasileva

Foto: Muzeu Historik Regjional - Plovdiv, arkiv




Последвайте ни и в Google News Showcase, за да научите най-важното от деня!

Më shumë nga rubrika

"Mos i mbyll sytë" fiton çmime dhe popullaritet në festivalet ndërkombëtare të filmit

Filmi bullgar "Mos i mbyll sytë" u dallua me pesë çmime në Festivalin e Filmit të Krishterë(Christian Film Festival) në SHBA, njoftoi BTA, duke cituar producentët. Filmi u dallua për veprën më të mirë artistike, producent më të mirë - Bogdan Darev,..

botuar më 25-01-23 1.28.MD

Bullgaria, “Mustaqet e Dalí” dhe Picasso

Lidhja mes Bullgarisë, "Mustaqet e Dalí" dhe Picassos është një temë që mund të mbetet gjerësisht e diskutuar për vitet e ardhshme, e ndoshta edhe për dekadat e ardhshme. Arsyeja për këtë nuk lidhet me teknologjitë e reja dhe inteligjencën artificiale,..

botuar më 25-01-22 7.30.PD

Programet e shkëmbimit të studentëve lidhin Universitetin е Veliko Tërnovos me shkollat e së dielës jashtë vendit

Ndihma metodologjike, trajnimi i mësuesve, takime dhe programe edukative në gjuhën dhe kulturën bullgare për studentët - këto janë vetëm disa nga mënyrat se si komuniteti akademik i Universitetit të Veliko Tërnovos "Shën Kirill dhe Metodij" arrin tek..

botuar më 25-01-20 7.25.PD