Vendimi për dëbimin e 70 diplomatëve rusë nga vendi ynë nuk është i imi, komentoi Kryeministri i dorëhequr Kirill Petkov. Ai ndodhet në parlament, ku do të dëgjohet në një seancë të mbyllur bashkë me shefat e Agjencisë Shtetërore të Sigurisë Kombëtare, inteligjencës ushtarake dhe Agjencisë Shtetërore të Inteligjencës. Kirill Petkov shpjegoi se ka një raport ndërinstitucional nga MPJ dhe një vendim të Këshillit të Sigurimit. “Vendimi është bazuar në këtë këshill dhe tre raporte nga Agjencia Shtetërore e Sigurisë Kombëtare. Të gjitha këto janë institucionet përgjegjëse për sigurinë”, shtoi ai. Sipas kryeministrit, raportet janë të muajit maj dhe qershor, por ka pasur informacion që në mars. “Ajo që do t’u them deputetëve është kronologji absolute”, tha Petkov para seancës.

• 70 diplomatë rusë në Bullgari u shpallën “persona non grata”
• Institucionet janë të habitura nga dëbimi i diplomatëve rusë