Vera erdhi me protesta në vendin tonë. Pasionet në shoqëri janë ndezur nga dy kriza paralele - ajo politike, e lidhur me votën e mosbesimit ndaj qeverisë së Kryeministrit Kirill Petkov, dhe ajo ekonomike, e diktuar nga rritja e inflacionit dhe rritja e çmimit të karburanteve, që po i prekin më të varfrit në BE.
Një sërë protestash politike priten edhe më 22 qershor në kryeqytetin bullgar, ku në mbrëmje Parlamenti do të votojë mosbesimin ndaj qeverisë.
Përkrahësit e kabinetit të Petkovit po organizojnë një tjetër demonstratë për të shprehur mbështetjen e tyre për ndryshimin në Bullgari dhe të ardhmen pro-evropiane të vendit.
“Le të mos kthehemi vite mbrapa, le të mos rriten breza të tjera fëmijësh në një mjedis protestash”, tha një nga pjesëmarrëset në ngjarje. - Ne kemi një qeveri që nuk është ideale, por që ka treguar qartë se do të zhvillojë një politikë me reforma pro-evropiane. Unë si qytetare jam e frikësuar nga ajo që pamë javën e kaluar – një koalicion të ri, që përfshin pushtetarët e mëparshëm: GERB, DPS, të cilat janë të lidhura qartë me mafien, "Ka një popull të tillë" që u deklaruan në mbështetje të tyre dhe partinë "Vëzrazhdane", të cilët janë padyshim ndërmjetës të ndikimeve pro-Putin në Bullgari".
Edhe partia më e vogël parlamentare, nacionaliste “Vëzrazhdane”, bëri thirrje për një tjetër protestë, por kundër kabinetit qeverisës Petkov. Një pjesëmarrës në demonstratën e 21 qershorit i paraqiti arsyet e protestës:
“Unë personalisht besoj se mosbesimi do të votohet me sukses. Kjo është ndoshta hera e parë që amerikanët nuk kanë realisht një plan "B." Besoj se gjendja e tanishme është e paparashikueshme dhe prandaj ata po përdorin të gjitha mjetet e tyre mediatike për ta shpëtuar situatën. Ata nuk janë aq të frikshëm. Mendoj se jemi në prag të rrëzimit të tyre."
Kriza aktuale politike erdhi pasi ish-partneri i koalicionit në pushtet partia "Ka një popull të tillë" tërhoqi besimin tek ministrat e saj në kabinet, e zhgënjyer nga veprimet e Kryeministrit lidhur me veton e Bullgarisë ndaj bisedimeve të anëtarësimit të Maqedonisë së Veriut në BE. Por më pas 6 deputetë u larguan nga “Ka një popull të tillë” dhe i qëndruan besnik kabinetit. Mes tyre është edhe Ministri i Sportit Radostin Vasilev. Pikërisht në mes të partisë në largim, partia në pushtet e sheh çelësin e dështimit të saj në votimin e mocionit të mosbesimit.
Para votimit “Ka një popull të tillë” gjithashtu organizoi një protestë para Ministrisë së Sportit në Sofje. Të pakënaqurit insistojnë për tërheqjen e deputetëve që u shkëputën nga grupi parlamentar.
Demonstratave politike para votimit të mocionit të mosbesimit në Parlament duhet t'u shtojmë edhe protestën, e diktuar nga situata ekonomike në Bullgari, ku inflacioni vjetor për majin 2022 është 15.6%. Arsyeja kryesore e rritjes së çmimeve të mallrave dhe shërbimeve është rritja e çmimit të karburanteve. Për shkak të tyre, tre orë para votimit, pas ndërtesës së Kuvendit Popullor në Sofje do të mbahet një protestë kombëtare kundër çmimeve të larta të karburanteve. Ngjarja është e organizuar në rrjetet sociale.
Përveç në Sofje, protesta që nga fillimi i javës po zhvillohen edhe në një sërë qytetesh bullgare, janë duke protestuar edhe bashkatdhetarët tanë jashtë vendit.
Përpiloi: Elena Karkallanova
Përgatiti në shqip: Vesella Mançeva
Foto: BNR, BGNES
Pjesa e vendit tonë më e kërcënuar nga përmbytjet është Bullgaria Veriore. Këtë e tregojnë të dhënat në të dy skenarët për një rritje të temperaturave mesatare - me 3,9 dhe me 2,5 gradë deri në vitin 2100, sipas parashikimeve të Panelit Ndërqeveritar..
Një numër rekord - 600 "luftëtarë" janë të dislokuar në bazën ajrore Uzunxhovo, dhe rasti nuk është një konflikt ushtarak, por festimi i Ditës së qytetit Haskovo. Atraksioni më i madh me rastin e 8 shtatorit është loja e organizuar ushtarake simuluese..
Ellhovo ndodhet në pjesën juglindore të Ultësirës së Trakisë në mes të një fushe pjellore midis maleve Stranxha dhe Sakar. Një nga lumenjtë më të mëdha në Bullgari - Tunxha - kalon pranë qytetit, dhe në rajon ka 21 fshatra me tokë bujqësore, të cilat..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..