Ministrat e shëndetësisë të Bullgarisë, Kroacisë, Estonisë, Hungarisë, Lituanisë, Letonisë, Polonisë, Rumanisë, Sllovenisë dhe Sllovakisë i paraqitën një letër të përbashkët KE-së duke kërkuar një reduktim të furnizimeve të ardhshme të vaksinave. Kjo ka ndodhur sot, më 14 qershor, në kuadër të takimit të rregullt të Këshillit të Bashkimit Evropian për Punësim, Politikë Sociale, Shëndetësi dhe Çështje të Konsumatorit, në të cilin është diskutuar Rregullorja për Hapësirën Evropiane të të Dhënave Shëndetësore.

Lidhur me këtë, Ministrja bullgare Asena Serbezova shprehu shqetësimin se teprica e vaksinave të furnizuara kundër Covid-19, e cila tejkalon seriozisht nevojat e popullatës, do të nxirret jashtë përdorimit.Ministrja Serbezova kujtoi se Bullgaria i ka dërguar letra Komisionit Evropian me propozime konkrete për ndryshime në tekstet e marrëveshjeve.Lidhur me digjitalizimin e shëndetësisë, Asena Serbezova insistoi që të ruhet mundësia e ndarjes së të dhënave të pacientëve si e drejtë dhe jo si detyrim.