Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Mitropoliti Kiprian: Ai që i afrohet muzikës kishtare, ai i afrohet dhe Zotit

Foto: bg-patriarshia.bg

Ka mënyra të shumta që Zoti të hyjë në zemrat tona, dhe njëra prej tyre është përmes fjalëve të veshura të zhytura në muzikë.Prandaj në Liturgjinë e Shenjtë tingëllojnë psalme, por ato shkojnë edhe përtej tempullit për të arritur tek sa më shumë prej nesh.Gjuha universale e muzikës nganjëherë del se është rruga më e shkurtër midis zemrës njerëzore, mesazheve të besimit dhe Zotit.

Kisha e Shenjtë Ortodokse kremtoi dje mrekullinë e ndodhur më 11 qershor 982 - takimin e një murgu bullgar me “ambasadorin” e providencës së Zotit. Sipas legjendës, Kryeengjëlli i Shenjtë Gavriill iu shfaq dishepullit të një kleriku në malin Athos për të lënë trashëgim lutjet për lavdërimin e Nënës së Zotit, të cilat ai i shkroi në një pllakë guri.

Në lidhje me këtë tanimë 18 vjet në Pomorie po zhvillohet festivali ndërkombëtar i muzikës ortodokse “Shën Mëria-dostojno est”.


Gjatë lindjes së Zotit Jezu Krisht, një kor engjëjsh shpalli ardhjen e tij në tokë me himnin e përjetshëm "Lavdi Perëndisë në vendet më të larta dhe paqe mbi tokë, vullnet dhe mirësi mes njerëzve"-tregon mitropoliti i Stara Zagorës Kiprian, i cili е bekoi ujin përpara kishës “Lindja e Shën Mërisë” me rastin e fillimit të festivalit. Muzika është kjo e cila është në organizmin njerëzor, zëri është ai i cili e lavdëron Zotin. Prandaj dhe muzika ortodokse ka kaq shumë nuanca - si vuajtje, kështu dhe gëzim, himne lutje. Prandaj dhe ai i cili do që ti afrohet asaj , padyshim që në këtë mënyrë i afrohet dhe Zotit”.

Edicioni i sivjetshëm i festivalit për një muzikë ortodokse mblodhi 22 grupe korale, kryesisht nga Bullgaria dhe katër të huaja - dy nga Serbia dhe nga një nga Rumania dhe Moldavia. E gëzueshmja është se, në të gjitha ato marrin pjesë kryesisht këngëtarë të rinj.

“Përpara kohe kishte kore, të cilat ishin të përbërë prej njerëzve të rritur, sepse ata kishin shkuar në kishë dhe kishin mësuar një të kënduar kishtare - vazhdon Mitropoliti Kiprian. Pas kësaj tradita u ndërpre, por tani ne mbështetemi më tepër tek njerëzit e rinj  nga Seminari Teologjik dhe Akademia për ta vazhduar atë, si në këndimin kishtar lindor ashtu edhe në muzikën korale të shumëzëshme. Kështu që të rinjtë janë në themel të çdo gjëje. Mirëpo, ata duhet së pari të marrin edukim shpirtëror që më pas të vazhdojnë punën e shërbesës si priftërinj, por edhe si këngëtarë kori dhe dirigjentë, sepse muzika është një art që do të ekzistojë derisa të ekzistojë edhe bota.”

Sipas shërbyesit kishtar Kirill Popov nga kisha e kryeqytetit “Sveta Nedelja” /“Shën e Diela”/, muzika mund të jetë gjithashtu një rrugë drejt njohjes së Zotit.


“Kuptohet se, kjo po kështu është një lloje edukate, me fjalë të tjera një ushqim shpirtëror për të gjithë ne - thotë ai. Nëpërmjet këngëve kishtare ne marrim gëzim në Zot. Dhe le të jetë kështu edhe në të ardhmen, le të dimë se kjo është urata e Zotit për njerëzit - gëzimet njerëzore.  Përpara ca kohe pata mundësinë të shikoj jashtë shtetit sesi pjesa më e madhe e njerëzve në rrugë janë me fytyra të freskëta e të buzëqeshura e të ndritshme dhe këndojnë thjesht prej gëzimit, pavarësisht nga sprovat. Sprovat janë për tu evituar, por jo dhe të jetojmë me to. Por, në të gjitha rastet ne duhet të kemi një shpirt dhe frymë të gëzuar dhe gëzim tek Zoti”.

Dhe çfarë mjeti më lartësues mund të gjejmë se lutjet dhe këngët hyjnore që na transportojnë nga toka në qiell:“ Në tempull, çdo lavdërim, çdo një mirënjohje, çdo ngjarje shpëtimtare është fryt i zemrës dhe i dashurisë për të afërmin,” përfundon mitropoliti Kiprian.

Përpiloi: Diana Cankova në bazë të intervistës së Ana-Maria Krësteva nga programi “Hristo Botev” i BNR-së.

Përgatiti në shqip: Nataniela Vasileva

Foto: bg-patriarshia.bg, dveri.bg



Последвайте ни и в Google News Showcase, за да научите най-важното от деня!

Më shumë nga rubrika

Kirill Vëllçev

BTA prezanton një font unik me rastin e përvjetorit të saj

Më 16 shkurt 2025 bëhen 127 vjet nga botimi i buletinit të parë të Agjencisë Telegrafike Bullgare (BTA), të nënshkruar nga drejtori i parë i saj Oskar Iskander. Agjencia u krijua në vitin 1898 me një dekret të Princit Ferdinand I, i modeluar sipas Agjencisë..

botuar më 25-02-16 7.55.PD

Gëzuar 89 vjet, Radio Bullgaria!

Më 16 shkurt Radio Bullgaria feston 89 vjetorin e saj. Gjatë gjithë këtyre viteve, media jonë shumëgjuhëshe ka qenë jo vetëm një kanal informacioni, por ka krijuar një lidhje të paçmuar me audiencën tonë në mbarë botën. Sot Radio Bullgaria ofron përmbajtje..

botuar më 25-02-16 6.45.PD
Foto: Shoqata Bullgare për Mbrojtjen e Zogjve

Një lajm i mirë – pelikani i parë i sezonit u çel pranë Tutrakanit

Pak ditë më parë, zogu i parë i pelikanit dalmat (Pelecanus crispus) i këtij sezoni u çel në zonën e mbrojtur Kalimok - Brëshlen pranë qytetit të Danubit, Tutrakan , njoftoi Shoqata Bullgare për Mbrojtjen e Zogjve "BirdLife Bulgaria". Prindërit e tij..

botuar më 25-02-15 7.25.PD