Këshilli Kombëtar për Bashkëpunimin Trepalësh mbështeti ndryshimet e propozuara në Ligjin e Sigurimeve Shoqërore, me të cilat do të aplikohet produkti i pensioneve pan-evropiane në Bullgari. Parashtrues i propozimit është Zëvendëskryeministri dhe Ministër i Financave Asen Vasilev.

Produkti pan-evropian i pensioneve, i njohur si një “pension evropian”, do të mundësojë që fondet nga vendet e tjera të BE të hyjnë në tregun bullgar, të mbledhin kontributet e sigurimeve shoqërore dhe të paguajnë pensionet. Ndryshimet do të lejojnë edhe kalimin e sigurimeve dhe pensioneve nga një vend në tjetrin brenda bashkimit, nëse i siguruari ndryshon vendbanimin.