Nuk ka asnjë kërcënim të drejtpërdrejtë ushtarak për sigurinë kombëtare, por kur një luftë zhvillohet disa qindra kilometra larg Bullgarisë, rreziqet janë të larta, tha për BNR Ministri i Mbrojtjes Dragomir Zakov. Ai nuk ka frikë se “Bullgaria do të mbetet pa ndihmën e aleatëve të saj për mbrojtjen e qiellit bullgar”.

Ministri e cilësoi si “të tepruar” deklaratën e presidentit Rumen Radev se vendimi për të ofruar ndihmë ushtarako-teknike për Ukrainën do ta përfshinte vendin në një luftë konvencionale. “Bullgaria që prej kohe është në një luftë hibride. Bullgaria është viktimë e një lufte hibride. Rezultati është frika në shoqërinë bullgare se dikush mund të na sulmojë”, tha Zakov.

• Në festën e Ushtrisë Bullgare, presidenti kritikoi politikanët
  

Ministri uroi festën e Shën Gjergjit të gjithë qytetarëve bullgarë dhe veçanërisht grave dhe burrave me uniformë.