“Ne nuk jemi neutralë” nën këtë moto në Sofje sot do të do të mbahet një marshim paqësor për Ukrainën. Ngjarja është me një pikënisje sheshi “Aleksandër Nevski”, kurse organizatorët shpresojnë se do të jetë aq i mbushur me njerëz sa marshimi i 24 marsit, i cili mblodhi mbi 15 mijë veta në përkrahje të viktimave të luftës dhe u krahasua me protestat e mëdha që nga fillimi i ndryshimeve demokratike në vendin tonë.
Arsyeja e ngjarjes së ardhshme janë vrasjet masive të viktimave të pafajshme civile, të cilat dolën në dritë pas tërheqjes së ushtarëve rusë nga qyteti ukrainas Buça. “Duhet të ndihmojmë Ukrainën që të mbrojë fëmijët e vet nga ky agresion i pashembullt, duke përfshirë ndihmën ushtarake-mbrojtëse "- apelojnë organizatorët. Mes tyre është dhe Danita Zariçinova e cila thotë: “Unë jam shumë e tronditur nga kjo që po ndodh!”
“Si qytetarë, ne e lidhim pozicionin e neutralitetit dhe mosndërhyrjes me bashkëpunimin me agresorin. Bullgaria duhet të zërë një pozitë më të fortë mbi temën. Të gjitha vendet nga Bashkimi Evropian, me përjashtim të Hungarisë, tanimë kanë dhënë këtë ndihmë ushtarako-teknike dhe me sa duket nuk është përfshirë në ndonjë mënyrë tjetër në luftë. Sepse ajo që ndiej si një qytetare e Evropës, është se ukrainasit në këtë moment luftojnë jo vetëm për pavarësinë e tyre, jo vetëm me agresorin i cili ka hyrë në territorin e tyre sovran, por luftojnë për të gjithë Evropën, përfshi dhe për Bullgarinë. Kjo e cila po ndodh në Ukrainë, nëse nuk ndalohet tani, pas kohe mund të jemi në radhë ne bullgarët për të kërkuar ndihmë dhe ndokush të mos të na e japë”- thotë Danita.
Gjatë ditëve të fundit marshime në përkrahje të Ukrainës u zhvilluan dhe në qytete të tjera bullgare. Por, paralelisht me këtë jemi dëshmitarë dhe të një varg iniciativash kundra dhënies së ndihmës ushtarako-teknike me arsyetimin se në këtë mënyrë vendi ynë do të përfshihet në konfliktin ushtarak.
“Shumë njerëz në vendin tonë “rrëshqitën “ shumë lehtë dhe besuan në propagandën ruse, e cila po merr përmasa të pabesueshme”, thotë Danita, duke shtuar:
“Ka njerëz, më në veçanti nga brezi më i moshuar, të cilët nuk e kanë idenë se si të dallojnë lajmet e rreme, kjo nuk mësohet në shkollë. Dhe është shumë e lehtë që njeriu të mashtrohet. Përveç kësaj, kohët e fundit, me një shkathtësi trajtohet dhe tema për paqen, e cila shtrembërohet dhe tjetërsohet për të tërhequr më shumë mbështetës, ku neutraliteti paraqitet si opsioni i vetëm për paqen. Por, pikërisht në këtë moment si një pacifiste, unë nuk mund të pajtohem me këtë”.
Pritet që në mbrëmje marshi të arrijë deri tek Qendra Ruse e Informacionit Kulturor për të përfunduar para ndërtesës së Televizionit Kombëtar Bullgar, duke u kërkuar mediave që të ndalojnë së cilësuari justifikimin e vrasjeve dhe krimeve të luftës një "pikëpamje". “E shikoj se tek njerëzit ka energji. Të gjithë janë të tronditur nga ajo që po ndodh në Ukrainë gjatë ditëve të fundit dhe duan të dalin në rrugë”, tha si përfundim Danita Zariçinova.
Përgatiti në shqip: Nataniela Vasileva
Foto: BGNES, Danita ZariçinovaBullgarët janë minoriteti i tretë më i madh në Shqipëri - sipas të dhënave të fundit të regjistrimit të popullsisë në këtë vend ballkanik. Këto janë të dhënat e para zyrtare statistikore për numrin e bullgarëve atje, pasi minoriteti ynë u njoh..
"Veshjet dhe armatimet bullgare të Mesjetës së Vonë" - kështu titullohet ekspozita e re e përhershme në Kalanë "Baba Vida" në qytetin e Bullgarisë Veriperëndimore Vidin. Në të vizitorët mund të shohin veshjet, armët dhe armatimet e Mesjetës..
Hungaria mori presidencën në një moment kyç për Bashkimin Evropian, por edhe mes frikës se vendi do të bllokonte ose vononte çështje të rëndësishme të politikës së jashtme dhe të sigurisë që kërkojnë unanimitet. Vendi, i udhëhequr..
Bullgarët janë minoriteti i tretë më i madh në Shqipëri - sipas të dhënave të fundit të regjistrimit të popullsisë në këtë vend ballkanik. Këto janë të..
Hungaria mori presidencën në një moment kyç për Bashkimin Evropian, por edhe mes frikës se vendi do të bllokonte ose vononte çështje..
"Veshjet dhe armatimet bullgare të Mesjetës së Vonë" - kështu titullohet ekspozita e re e përhershme në Kalanë "Baba Vida" në qytetin e Bullgarisë..