Radioja Kombëtare Bullgare (BNR) në bashkëpunim me Televizionin Kombëtar bullgar (BNT) dhe Teatrin Popullor “Ivan Vazov” organizuan një fushatë në mbështetje të viktimave të luftës. Ajo do të fillojë me një koncert bamirësie "Së bashku për Ukrainën", organizuar nga media jonë me pjesëmarrjen e dy prej formacioneve muzikore të BNR-së - Big Bendi dhe Kori Miks i Radios Kombëtare Bullgare. Aktiviteti do të mbahet më 28 mars në orën 19:00 në Teatrin Popullor “Ivan Vazov” dhe do të zhvillohet nën patronazhin e Presidentit të Bullgarisë Rumen Radev.
“Si media publike, BNR nuk duhet vetëm të promovojë dhe mbështesë kauza të dobishme shoqërore, por edhe të organizojë të tilla – thotë drejtori i përgjithshëm i BNR-së Milen Mitev. - Ne duhet të jemi më aktivë për të mirën e shoqërisë. Përveç se krijon radio-programe, me gjashtë formacionet e saj muzikore Radioja Kombëtare zhvillon një veprimtari shumë serioze në fushën e kulturës dhe pikërisht kultura dhe muzika, si gjuhë universale, na ndihmojnë t’i kapërcejmë dallimet.
Mjetet, për sigurimin e të cilave shpresojmë të ndihmojmë, do të mblidhen nga Kryqi i Kuq, nuk do të hapim llogari të veçanta. Nuk do të “konkurrojmë”, duam të ndihmojmë "
Gjatë koncertit, i cili do të transmetohet drejtpërdrejt nga Radioja Kombëtare Bullgare, si dhe në periudhën para transmetimit televiziv dhe online më 3 prill, Radioja Kombëtare Bullgare do të promovojë llogaritë e Kryqit të Kuq. Fondet e mbledhura do të shpërndahen sipas rregullave për ndihmën për refugjatët nga Ukraina.
Cilat janë mësimet në këtë situatë për ne - si njerëz dhe si profesionistë?
“Mbi të gjitha, për ne si qenie njerëzore, mësimi është se asgjë, madje as paqja, nuk mund të konsiderohet si një dhuratë, ne duhet të luftojmë për të, ta ruajmë atë në çdo kohë dhe në çdo gjë që bëjmë. Si media publike ne kontribuojmë deri diku në formimin e qëndrimeve në shoqëri, në mënyrë që secili të krijojë mendimin e tij për rastet me të cilat përballet dhe kjo përgjegjësi duhet ta marrim me forcë edhe më të madhe. Në një situatë krize, bëhet e qartë se cila është rëndësia e çdo një institucioni dhe këtu mediat publike duhet të zënë vendin e tyre duke i dhënë publikut informacion të plotë, të saktë, me kohë, këndvështrime të ndryshme duke luftuar kundër dezinformimit që është kudo rreth nesh."
BNR po përpiqet në të gjitha mënyrat e mundshme t'i ndihmojë refugjatët, tha Milen Mitev. “Aktualisht në Hollin e Mermerit (përballë Studios së Parë) në godinën e Radios ka një ekspozitë bamirësie, e cila do të zgjasë edhe disa javë dhe mjetet e grumbulluara do të përdoren për të ndihmuar refugjatët. Ne gjithashtu mbështesim një sërë nismash në këtë drejtim, duke u përpjekur të kontribuojmë në zbutjen e kësaj krize dhe të gjendjes së njerëzve”, tha në përfundim drejtori i përgjithshëm i Radios Kombëtare Bullgare.
Më shumëhollësi për interpretuesit dhe programin e koncertit të 28 marsit, tregon Ljubomir Denev-biri, dirigjent i ftuar i Big Bend-it të Radios Kombëtare Bullgare:
“Në thelbin e programit janë "Koncertet sakrale" nga Duke Ellington - për korin e madh klasik dhe orkestrën e xhazit. Elena Sirakova do të jetë soliste. Me interpretime të veta do të marrë pjesë edhe klarinetisti i madh bullgar Borisllav Jocov. Ai do të interpretojë "Suitë filmi"- me muzikë të Vili Kazasjanit, dhe dy pjesë të tjera. Koncerti do të fillojë me performancën e Biljana Mitevës - bullgare besarabe nga Ukraina. Ne po përgatitemi shumë seriozisht, si për çdo koncert, por këtë herë kauza është e veçantë. E dimë se nuk jemi në gjendje të ndikojmë në një luftë, por të paktën mund të ndihmojmë në mbledhjen e fondeve. Ky koncert do të transmetohet në të gjitha programet e BNR-së, dëgjuesit do të mund të dërgojnë mesazhe telefonike, me të cilat në fakt do të dërgojnë ndihma humanitare për viktimat”.
“Le të jemi njerëz!” është mesazhi kryesor i kryeveprës në koncert – tha Ljubomira Aleksandrova, dirigjente e Korit Miks të Radios Kombëtare Bullgare.
“Koncertet sakrale” është një vepër që bashkon veprat e Ellington, rolin kryesor e luan suita “Liria” /“Freedom”/, e cila tregon dëshirën e njerëzve për liri dhe dashuri, për të jetuar në një botë të lirë, siç e meritojnë. Ka edhe disa lutje drejtuar Zotit, është një muzikë jashtëzakonisht e bukur. Në njërën prej tyre ka një mesazh simbolik: "Lani duart!" Lani fytyrën! Lani zemrat dhe shpirtrat!” Është shumë bukur të kujtohemi se duhet të hapim zemrat, të qetësojmë shpirtrat tanë dhe të jemi ajo për të cilën kemi ardhur në këtë botë, për të qenë njerëz. Kjo vepër na jep mundësinë ta dërgojmë mesazhin tonë për liri kundër luftës.”
Përgatiti në shqip: Vesella Mançeva
Foto: BNR, arkivKthimi tek rrënjët ka sjellë gjithmonë emocione, sidomos për artistët. Kështu ndodh edhe me Stefan Illçev – këngëtarin e ri të dashur jo vetëm nga vendlindja e tij, Burgasi, por edhe nga publiku bullgar dhe i huaj. Ai ka përgatitur një..
Për një vit tjetër, festivali Open Buzludzha lidh kulturën, historinë dhe natyrën në një përjetim të paharrueshëm, rrëzë majës Buzlluxha dhe monumentit me të njëjtin emër. Organizatori i veprimtarisë, e cila do të mbahet nga data 8 deri më 11 gusht,..
Producenti Atanas Zajkov – Atazar dhe dyshja Bisera dhe Lidija na prezantojnë folklorin e bukur bullgar të veshur me tingujt e kohës sonë moderne. Kënga "Unë po të shtrij" mbart frymën e stilit tipik deep house, por tingujt e violës depërtojnë..
Në harmoni me motin jashtë, në fund të verës Severin Georgiev prezanton këngën e tij më të re "Do të bjerë shi". Kjo është kënga e dytë e Severinit, të..
Stacioni Qendror Hekurudhor në Plovdiv mirëpret grupet e njohura X-R@Y dhe Uikeda për një koncert falas më 14 shtator. Përveç tyre, publiku do të ketë..