Menko Menkov, avokat i ish-Kryeministrit Bojko Borisov, PR-it të tij Sevdelina Arnaudova dhe ish-Ministrit të Financave Vlladisllav Goranov, do të apelojë paraburgimin e tyre 24-orësh në Gjykatën Administrative të Sofjes. Afati i fundit është të enjten më 24 mars, tha ai për BNR. Gjykata e qytetit të Sofjes pritet të vendosë më vonë sot mbi kërkesat për miratim për kontrollin dhe sekuestrimin e shtëpive të tyre të paraqitura në fund të orarit të punës të premten më 18 mars. “Nga Borisov nuk u konfiskua asgjë, nga Arnaudova u konfiskuan materiale reklamuese nga fushatat e fundit zgjedhore me fytyrën e Bojko Borisovit dhe një fletore ku shkruhej Borisov”, tha avokati.

Ndërkohë, Ministria e Brendshme dorëzoi sërish në prokurori projekt-akuzat për të tre, pasi institucioni mohoi të premten se kishte dokumente të tilla.

• Arrestimi i Bojko Borisovit – një demonstrim, apo një hap në luftën kundër korrupsionit në Bullgari