Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Hapet ekspozita e parë ndërkombëtare e piktorit Ivan Milev

Galeria "Bullgaria" në Romë shfaq veprën emblematike "Ahinora"

Ivan Milev, „Ahinora“, 1925

Për herë të parë publiku i huaj do të ketë mundësinë për t’u njohur me krijimtarinë  e njërit prej piktorëve më të mëdhenj bullgar - Ivan Milev, thotë për Radio Bullgarinë Drejtori i Galerisë Artistike në qytetin Kazanllëk doktori Pllamen Petrov. Në sajë të përpjekjeve të ekipit të tij dhe në një bashkëpunim me Institutin Kulturor Bullgar në Romë nga data 17 mars deri më 29 prill galeria “Bullgaria” në kryeqytetin italian prezanton 20 krijime të Ivan Milevit (1897-1927).

Ivan Milev, „Autoportret“

“Ekspozita është e rëndësishme për kujtesën tonë dhe për prezantimin e krijuesve të mëdhenj bullgarë nëpër të gjithë botën. Sepse këta janë personalitete të cilët na japin mundësi të krenohemi se jemi bullgarë. Ivan Milev është një piktor ikonë jo vetëm për kulturën bullgare, por dhe për atë evropiane”- ve në dukje Drejtoresha e Institutit Kulturor Bullgar në Romë - Zhana Jakovleva.

Ekspozita në qytetin e përjetshëm i është kushtuar 125 vjetorit nga lindja e autorit, i njohur si një nga krijuesit e secesionit bullgar. Ai është rritur në një familje të varfër të një bariu denbabaden dhe të një amvise shtëpie të pa shkolluar, por me një ndjenjë ndaj së bukurës. Ivan Milevi theu traditën familjare dhe i përkushtua artit. Kjo rastis gjatë kohës së luftës. Pak përpara se të përfundojë arsimin e mesëm, gjatë vjeshtës së vitit 1916, ai është i mobilizuar si një piktor ushtarak  gjatë kohës së Luftës së Parë Botërore. Periudha prej dy vjetëve në front ka një ndikim mjaft serioz në krijimtarinë e tij, por nuk e shkëput nga pikturimi. Specialistët e përcaktojnë Ivan Milevin si një nga mjeshtërit e mëdhenj të teknikës së temperit dhe të akuarelit në artin bullgar të pikturimit. Dhe venë në dukje stilin e tij jashtëzakonisht të veçantë, i ndikuar nga tendencat evropiane të dekadave të para të shekullit të 20-të, por të lidhur thellë me traditat popullore dhe ikonografinë. Shpesh shohin ndikimin e Gustav Klimt dhe Vasilij Kandinskit në veprat e tij.

Ivan Milev, „Përshpirtje“, 1923

Mjerisht koha e cila i është caktuar del se është shumë e pakët. Vitet e gjata të një jete të varfër dhe të vështirë ndikojnë në mënyrë  të dëmshme mbi shëndetin e tij dhe më 25 janar 1927 në Sofje Ivan Milev vdes papritur nga gripi - vetëm tre javë para se të mbushte të tridhjetat. Sot imazhi i piktorit është i vendosur mbi kartëmonedhën prej 5 levave.


“Ivan Milev ka lindur dhe është rritur në qytetin Kazanllëk dhe Galeria Artistike e qytetit  ruan gamën më të madhe të veprave të autorit, të cilat pas vdekjes së tij u dhuruan nga nëna dhe vëllai i tij. Në Kazanllëk ruhet dhe një nga krijimet më emblematike të Milevit - “Ahinora”. Kjo pikturë del për herë të parë nga vendi ynë dhe prezantohet në Romë - tregon doktori Petrov.

Që të gjitha krijimet të paraqitura në Romë janë një pjesë nga koleksioni i Galerisë Artistike në Kazanllëk, e cila sipas fjalëve të doktorit Pllamen Petrov, është një pronare krenare dhe të pjesës më të madhe të arkivit dokumentar të artistit.

Ivan Milev, „Ballkani“, 1925

“Bëhet fjalë për ditarët e tij nga periudha e viteve 1917-1919. Provat e tij poetike dhe korrespondenca personale na zbulojnë  nuanca interesante nga personaliteti i Ivan Milevit. Galeria në Kazanllëk do të prezantoi më 19 mars një katalog të madh me të gjitha mbi 120 krijime, të cilat i ruan në fondin e vet. Dhe nëse në këtë moment ndokush pyet nëse në ditë si këto të sotmet kemi nevojë, kohë dhe energji që të shikojmë art, Zhana Jakovleva është kategorike:

“Ne jetojmë në një situatë mjaft të rëndë. Çështja është se në këto momente duhet të përpiqemi në ndonjë farë mënyre të ruajmë artin dhe përmes tij të tregojmë atë, të cilën ne e ndiejmë.  Bota ka nevojë prej kujtesës, kurse kur ka kujtesë - gjëra të tilla nuk ndodhin! “

Përgatiti në shqip: Nataniela Vasileva

Foto: Instituti Kulturor Bullgar në Romë, Galeria e Arteve – Kazanllëk, arkiv



Последвайте ни и в Google News Showcase, за да научите най-важното от деня!

Më shumë nga rubrika

Miljo Balltov (1871 - 1951)

Miljo Balltov pikturoi “engjëllin më të gjallë” në kishat e trojeve tona

Piktor ikonash dhe mësues - këto dy fjalë i përmendim gjithmonë kur përpiqemi të ringjallim nga harresa e së shkuarës një piktor që hapat e parë në art i hodhi në vitet e para pas Çlirimit të Bullgarisë nga sundimi osman (1878). I tillë është Miljo..

botuar më 25-03-15 9.25.PD
Artistët për fëmijë

Kinemaja bullgare në fokus në edicionin e 29-të të Sofia Film Fest-it Ndërkombëtar

"Shh... Është koha për një film" - me këtë moto Sofja bëhet kryeqyteti kinematografik i Evropës për dy javët e ardhshme. Edicioni i 29-të i forumit më të madh kinematografik në Ballkan – Sofia Film Festi Ndërkombëtar hapet sonte në sallën nr. 1 të..

botuar më 25-03-13 2.36.MD

Qytetet e festivalit nga Evropa ndajnë përvojën në një forum të specializuar në Sofje

Më 13 dhe 14 mars 2025 në Sofje do të mbahet Konferenca "Festivali dhe qyteti", e organizuar nga Shoqata Bullgare e Festivaleve me pjesëmarrjen ndërkombëtare të ekspertëve të Shoqatës Evropiane të Festivaleve. Gjatë forumit do të bëhet një analizë e..

botuar më 25-03-13 6.10.PD