Një marrëveshje dyvjeçare bashkëpunimi midis Ministrisë së Shëndetësisë së Bullgarisë dhe Zyrës Rajonale Evropiane të Organizatës Botërore të Shëndetësisë (OBSH) do të rregullojë veprimtarinë e vendit tonë dhe të organizatës shëndetësore në kushtet e emergjencave shëndetësore. Sipas dokumentit të nënshkruar nga Ministrja e Shëndetësisë Prof. Asena Serbezova dhe Drejtori Rajonal i OBSH-së për Evropën Dr. Hans Kluge në Kopenhagë, aktiviteti i përbashkët fokusohet në mbulimin shëndetësor universal dhe mbrojtjen më të mirë të njerëzve në raste urgjente etj. Gjatë takimit, Ministri bullgar i Shëndetësisë dhe Dr. Kluge diskutuan për sfidat globale me të cilat përballen sistemet shëndetësore, krizat e emigrantëve dhe pandeminë Covid-19. Dr. Kluge i dorëzoi ministres Serbezova çmimin për personelin mjekësor bullgar në shenjë mirënjohjeje për përkushtimin e tyre gjatë pandemisë në emër të Organizatës Rajonale të Shëndetësisë.