Karburanti është i disponueshëm në pikat e karburantit, siguroi kryeministri Kirill Petkov pas një takimi me Asociacionit Bullgar të Naftës dhe të Gazit. Kemi sasi të mëdha karburanti, nuk ka asnjë problem në të gjithë zinxhirin. Arsyeja e vetme e panikut ishin disa foto të pikave të vogla të karburantit të dërguara jashtëzakonisht nën sulm politik ose hibrid nga njerëz të lidhur me organizatën rinore të GERB. Kishte panik për disa orë pa arsye, shtoi Petkov.

Nëse ndjejmë një tjetër lëkundje të tillë, do të kemi një reagim dhe komunikim të koordinuar që njerëzit të mos i nënshtrohen të gjitha gënjeshtrave, u shpreh kategorik kryeministri.

Më vonë, partia GERB i përshkroi si “maja e pafuqisë” akuzat e Kryeministrit Kirill Petkov se organizata e saj rinore qëndron pas sulmit hibrid. “Në vend që qeveria të shpallë lëshimin e karburanteve nga rezerva shtetërore me çmim të ulët dhe kështu t’i qetësojë njerëzit se çmimi nuk do të kërcejë aq sa kanë frikë, nuk bëri asgjë”, tha deputeti Deljan Dobrev.