Bullgaria është e gatshme të ofrojë mbështetje në kohë për transportin dhe akomodimin në vendin tonë të bashkatdhetarëve tanë që janë duke u evakuuar nga Ukraina, pavarësisht nëse kanë shtetësi bullgare. Këtë e tha presidenti Rumen Radev në një bisedë telefonike me Anton Kisse, deputet në parlamentin ukrainas dhe Kryetar i Shoqatës së Bullgarëve në Ukrainë. Anton Kisse siguroi se në këtë fazë nuk ka asnjë rrezik për bashkatdhetarët tanë dhe se po krijohet një organizatë për të mbështetur ata që dëshirojnë të largohen nga vendi. Kryetari i bashkisë së Kievit Vitali Kliçko vendosi një orë mbrëmje dhe u sugjeroi banorëve të kryeqytetit që të përdorin katër stacione metroje për strehë nga bomba. Presidenti Volodimir Zelenskij e krahasoi sulmin rus me fushatën ushtarake të Gjermanisë naziste gjatë Luftës së Dytë Botërore.