Presidenti i Maqedonisë së Veriut, Stevo Pendarovski, e cilësoi si akt i vullnetit të mirë kremtimin e përbashkët të përvjetorit të lindjes së Goce Dellçev.

Sipas Pendarovski deklaratat e Kryeministrit bullgar Kirill Petkov mund të krahasohen me retorikën e Nelson Mandelës në krahasim me deklaratat e “dëmshme”, sipas tij, të ministrave të kabinetit të ish kryeministrit Bojko Borisov, transmetoi “Horizont” i BNR-së.

Më herët në profilin e qeverisë në Facebook, Kryeministri Kirill Petkov shkroi: “Revolucionari bullgar Goce Dellçev është pjesë përbërëse e historisë sonë të përbashkët me popullin e Maqedonisë së Veriut. Ai është një nga personalitetet që i bën krenarë të dy kombet.”

Duke iu përgjigjur pyetjes së një gazetari nëse bullgarët do të përfshihen në Kushtetutën e Maqedonisë, Pendarovski tha: “Bullgarët në Maqedoninë e Veriut janë gjithashtu qytetarë tanë. Nëse vendosim se është mirë që t’i përfshijmë në Kushtetutë, do t’i përfshijmë, por ky do të jetë vendimi ynë i institucioneve maqedonase”, njoftoi BTA.

• Presidenti Radev: Vizita e Kirill Petkovit në Republikën e Maqedonisë së Veriut ishte e nxituar
  

• Shkupi propozon ngrirjen e punës së komisionit të historisë