Nga e mërkura, 19 janar, fëmijët e moshës 12 deri në 18 vjeç që vijnë nga një vend i përfshirë në "zonën e kuqe" do të mund të hyjnë në Bullgari pasi paraqitin një test PCR negativ të kryer deri në 72 orë para hyrjes së tyre. Kjo duhet të vërtetohet nga një certifikatë e vlefshme digjitale Covid e BE-së, ose me një dokument ekuivalent,thuhet në një urdhër të Ministres së Shëndetësisë Prof. Asena Serbezova nga sot, 14 janar.

Nëse nuk paraqesin një dokument të tillë, fëmijët e moshës 12 deri në 18 vjeç vendosen në karantinë 10-ditore. Ajo mund të ndërpritet nëse personi kryen një test PCR jo më herët se 72 orë pas mbërritjes në vend.

Ministria e Shëndetësisë rikujton se deri më tani fëmijët nga 12 deri në 18 vjeç, si dhe të rriturit që vinin nga "zona e kuqe", kur hynin në Bullgari duhej paraqitur një rezultat negativ të testit, së bashku me një dokument për vaksinim ose sëmundje të kaluar.

Për fëmijët nën moshën 12 vjeç, pavarësisht nga zona nga vijnë nuk kërkohet dokument për Covid-19.

Nga data 19 janar përditësohet gjithashtu lista e shteteve për nga zonat e ngjyrave. “Zona e kuqe” përfshin Austrinë, Maqedoninë Veriore, Serbinë, Turqinë, Hungarinë, Luksemburgun, Izraelin, Kuvajtin, Grenadën, Grenlandën, Katarin, Bahreinin, Libanin dhe Guajanën.