2021 ishte një vit i vështirë, por Bullgaria ia doli të përballojë sfidat… Kështu e komentoi Nënpresidentja Ilijana Jotova në një intervistë për Radio Bullgarinë vitin e kaluar, të mbushur me tensione në shëndetësi, ekonomi dhe politikën e brendshme.

“Në janar, kur me Presidentin Rumen Radev shpallëm synimin tonë për të kandiduar për një mandat të dytë, askush nuk priste një vit të mbushur me kaq shumë rreziqe dhe pasiguri, kaq shumë zgjedhje. Por mendoj se ia dolëm”, tha Nënpresidentja para Elena Karkallanovës nga Radio Bullgaria. - Ne nuk e mbyllëm vendin, gjë që është shumë e rëndësishme - një tjetër bllokim i plotë Bullgaria vështirë se mund të mbijetonte. Dhe, Zoti na ruajt, le të mos kthehemi në ata muaj të errët të 2020-ës, kur vërtet kishim ndjesinë se apokalipsi kishte ardhur në tokë.”

Duke përmbledhur, Ilijana Jotova theksoi: “Këtë vit vendi tregoi diçka shumë të mirë - kur ka energji dhe kur Bullgaria është vërtet zgjuar, ne mund të bëjmë mrekulli.”