Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

2021 – vit i lumtur personal për bullgarët dhe i keq për vendin

Foto: arkiv

Edhe pse po dërgojmë një vit të dominuar nga pandemia Covid, pasiguria ekonomike dhe paqëndrueshmëria politike, më shumë se gjysma e bullgarëve (55%) thonë se ishin të lumtur në vitin 2021. Këtë e tregojnë rezultatet e një studimi të agjencisë sociologjike “Trend”, të porositur nga e përditshmja e Sofjes “24 çasa” /"24 orë"/, që u zhvillua nga 1 deri më 7 dhjetor 2021. Sipas anketës, shumica e të rinjve kanë qenë të lumtur (gati tre të katërtat), ndërsa njerëzit mbi 70 vjeç e përshkruajnë veten më tepër si të palumtur gjatë vitit të kaluar. Në përgjithësi, vetëm 14% e të anketuarve i cilësojnë 12 muajt e fundit si të mirë për Bullgarinë, ndërsa 79% thonë se viti ishte i keq për vendin tonë. Nga ana tjetër, në planin personal mbizotërojnë vlerësimet pozitive - 46% e të anketuarve, kryesisht bashkatdhetarët më të rinj dhe më të pasur, e vlerësojnë vitin si të mirë për ta, ndërsa 42% e cilësojnë si të keq.

Pandemia dhe problemet shoqëruese rreth saj kanë ndryshuar dukshëm vlerësimet e bullgarëve për dy vitet e fundit në drejtim negativ, thonë sociologët. Krahasimi me rezultatet e përgjigjes së pyetjes së njëjtë në vitin 2019 dhe 2020 tregon se këtë vit njerëzit në vendin tonë kanë qenë më të lumtur se vitin e kaluar, por më pak të lumtur sesa në vitin 2019.

Megjithatë, bullgarët janë optimistë për vitin e ardhshëm 2022. Dy herë më shumë - 47% e të anketuarve janë të mendimit se Bullgaria do të mirëpresë një vit më të mirë, në dallim të atyre që parashikojnë një vit të keq për vendin tonë (24%). Në plan personal trendi po mbetet dhe 52% thonë se presin një vit më të mirë për veten e tyre, dhe vetëm 18% janë pesimistë për 12 muajt e ardhshëm.

Përpiloi: Vesella Krësteva

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Tre vjet më vonë - për luftën në Ukrainë, paqen dhe të ardhmen

Pikërisht 3 vjet më parë, më 24 shkurt, filloi pushtimi rus i Ukrainës - një ngjarje që zgjoi Evropën 77 vjet pas përfundimit të Luftës së Dytë Botërore dhe vuri në pikëpyetje një nga synimet kryesore të BE-së - parandalimin e një konflikti të ri në..

botuar më 25-02-24 9.00.MD
Ivajllo Naçev

Shkencëtarët bullgarë në Antarktidë analizojnë aktivitetin diellor dhe ndikimin e tij në Tokë

Në bazën bullgare të Antarktidës “Shën Kliment Ohridski” janë instaluar pajisje matëse që mbledhin të dhëna të vlefshme për aktivitetin diellor dhe lidhjen e tij me fushën magnetike të Tokës për dy muaj. Studimet po kryhen në kuadër të projektit të..

botuar më 25-02-23 7.25.PD

74% e mjekëve të rinj zgjedhin Bullgarinë

Për të tretin vit radhazi, numri i mjekëve të rinj që duan të qëndrojnë në Bullgari pas diplomimit po rritet. Këtë e tregojnë rezultatet e një sondazhi mes 224 të diplomuarve bullgarë në vitin 2024 në Fakultetin e Mjekësisë në Universitetin e..

botuar më 25-02-23 6.15.PD