Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Iniciativat bamirëse ngrohin zemrat e vetmuara

| rinovuar më 21-12-24 4.26.MD
Foto: bntnews.bg

Edhe sivjet, në ditën e Krishtlindjeve, fëmijët dhe të rinjtë në jetimoret e tipit familjar, si dhe të akomoduarit në azilet dhe në Qendrën e Krizave të Bashkisë së Sofjes, do ta presin natën e Krishtlindjeve dhe Krishtlindjet me gatime tradicionale të festave.Ngjarjet e bamirësisë janë nën moton "Krishtlindja është për të gjithë", me iniciativë të Kryetares së Bashkisë së Sofjes Jordanka Fandakova.

Në qytetet Samokov (Bullgari Jugperëndimore) dhe Gabrovo (Bullgari Qendrore), vullnetarët kënaqën të moshuarit dhe ata në nevojë me dhurata Krishtlindjesh. Falë nismës bamirëse "Bëhu njeri - Samokov" u mblodhën 800 pako me ushqime kryesore, dhe disa nga vullnetarët personalisht vizituan njerëzit në shtëpitë e tyre dhe siguruan ushqim. Në Gabrovo mblodhën 5000 leva (rreth 2500 euro) për të lumturuar të moshuarit nga vendbanimet e vogla të komunës. Fushata ngrohu zemrat e më shumë se 200 njerëzve në zonë, të cilët morën për tryezën festive ushqime të paketuara, ëmbëlsira, një dhuratë të vogël Krishtlindjesh për shpirtin dhe një kartolinë urimi të pikturuar me dorë nga dora e një fëmije. Iniciativa përfshiu organizata vendase, institucionet kulturore, kishën dhe kompanitë që dhuruan produktet e tyre, si dhe një banor të Gabrovos që jeton jashtë vendit.

Në Trojan (Bullgaria Qendrore Veriore), organizata rinore e Kryqit të Kuq Bullgar organizoi aksionin "Engjëjt" për familjet e vendasve të vdekur nga Covid. Ideja e të rinjve është që familjet jetimë të marrin në shenjë dhembshurie një engjëll prej letre dhe të zbukuruar, i cili simbolizon shpirtin e të dashurit të tyre të ndjerë, i cili është me ta gjatë festave.

Në Lloveç(Bullgari Qendrore Veriore), nxënësit e shkollës së mesme për mësimin e gjuhëve të huaja në qytet gëzuan 65 fëmijë nga qendrat e akomodimit të tipit familjar për fëmijë dhe të rinj. Fëmijët organizuan gjithashtu një koncert bamirësie për Krishtlindjet në mbështetje të një fëmije me paralizë cerebrale dhe një prindi me kancer të rëndë.

Në Kotell(Bullgari Lindore) janë mbledhur gjithsej 613 “kuti të së mirës”, të dërguara nga njerëzit nga i gjithë vendi. Në to, donatorët kanë vendosur një dhuratë sipas dëshirës së tyre, duke përshkruar gjininë dhe moshën për të cilën dhuratat janë të përshtatshme. Përveç donatorëve privatë, nisma përfshiu edhe shtëpi botuese dhe kompani. Më shumë se 550 "kuti të së mirës" u dorëzuan në shkolla dhe kopshte.

Në kishën "Shën Nikolla Çudibërësi" në lagjen “Gramada” në qytetin Blagoevgrad(Bullgari Jugperëndimore), vullnetarët përgatitën dhjetëra pako ushqimore për të varfrit, ndërsa në kishën "Shën Dhimitri" në Strumsko mblidhen fonde për familjet e prekura nga zjarri që shpërtheu në një pallat.




Последвайте ни и в Google News Showcase, за да научите най-важното от деня!

Më shumë nga rubrika

Protesta kundër dhunës ndaj fëmijëve të organizuara në disa qytete

Protestat kundër pedofilisë dhe krimeve ndaj fëmijëve do të mbahen para gjykatave në Sofje, Plovdiv, Varna, Burgas dhe Stara Zagora. Ndër kërkesat kryesore të protestuesve është krijimi i një regjistri publik të pedofilëve dhe dënime më të rrepta..

botuar më 25-04-02 3.22.MD

Bullgaria dëshiron që ishulli "Shën Kiriku dhe Julita" të bëhet pjesë e trashëgimisë së UNESCO-s

Nëse Bullgaria arrin të zbatojë projektin e përgatitur për "Shën Kiriku dhe Julita", ishulli mund të bëhet pjesë e trashëgimisë kulturore dhe historike të UNESCO-s. Këtë e bëri të ditur Nënpresidentja Ilijana Jotova në një takim në Sozopoll me..

botuar më 25-04-02 2.31.MD
Rosen Zheljazkov

Rosen Zheljazkov për votën e mosbesimit: Jemi shumë më të qëndrueshëm për të mos u mashtruar nga motivet e debateve

Kryeministri Rosen Zheljazkov e përshkroi votën e mosbesimit ndaj qeverisë mbi politikën e saj të jashtme, që po debatohet aktualisht në Kuvendin Popullor, si një përpjekje për të mbjellë mosmarrëveshje midis partive në koalicionin qeverisës. “Ky..

botuar më 25-04-02 1.46.MD