Marrëdhëniet mes Bullgarisë dhe Maqedonisë së Veriut duhet të zhvillohen edhe ekonomikisht, pa e braktisur interesin tonë kombëtar. Këtë e deklaroi në një brifing gjatë vizitës së tij në Bruksel Kryeministri Kirill Petkov duke iu përgjigjur një pyetjeje për veton bullgare për fillimin e negociatave të Maqedonisë së Veriut për aderimin e saj në BE. "Ne duhet ta forcojmë pozitën tonë me grupe pune në fusha të ndryshme, por ato nuk duhet të jenë një akt politik, tha Petkov. Kjo do të thotë të flasim për infrastrukturën, lidhjen hekurudhore mes Sofjes dhe Shkupit dhe anasjelltas. Është mirë të shohim se si biznesi bullgar realizon shitje në tregun maqedonas dhe anasjelltas dhe jo vetëm të flasim për historinë. Historia është shumë e rëndësishme, por kjo nuk mund të jetë tema e vetme”, tha Kryeministri. Petkov theksoi gjithashtu se është e rëndësishme për Bullgarinë që bullgarët në Maqedoninë Veriore të mos ndjehen të diskriminuar dhe të rrezikuar.

Në brifing, Petkov deklaroi gjithashtu se në Planin e Rimëkëmbjes dhe Qëndrueshmërisë do të bëhen ndryshime, të cilat i përkasin energjetikës.

Informacioni është i korrespondentes sonë në Bruksel Angelina Piskova.