Pozita e Bullgarisë për Ukrainën përkon plotësisht me vizionin e BE-së dhe NATO-së, tha kryeministri Kirill Petkov në selinë e Aleancës në Bruksel. Në një takim me Sekretarin e Përgjithshëm të Paktit, Jens Stoltenberg, Petkov shtoi se nëse Sofja mund të jetë e dobishme në zbutjen e tensionit, do të jetë mirë të kontribuojë në kërkimin e një zgjidhjeje diplomatike. Stoltenberg i bëri thirrje Bullgarisë që të vazhdojë të investojë në pajisje ushtarake, sepse NATO duhet të jetë në gjendje të mbrojë çdo aleat dhe ekziston një kërcënim i drejtpërdrejtë kundër vendeve në aleancë.

Një sinergji shumë e mirë midis infrastrukturës ushtarake dhe civile është e mundur. Një urë e dytë mbi lumin Danub afër qytetit Ruse mund të jetë me rëndësi strategjike. “Nëse e përfshijmë këtë investim, mendoj se do ta arrijmë objektivin prej 2 për qind të PBB-së për shpenzimet e mbrojtjes”, shpjegoi Petkov.