Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Temë nga rrjeti evropian “Euronet Plus”

Universitetet e ardhshme do të krijojnë njohuri së bashku

Parametrat e zgjeruar të programit Erasmus+ ofrojnë një mundësi për të krijuar një brez të ri të infrastrukturës arsimore

Foto: creativeeurope.bg

Si duket një universitet pa kufi - qendër, në të cilën pavarësisht se në cilën pjesë të Evropës gjendesh, fiton një akses në arsimin e lartë. Këtë detyrë e ka marrë një aleancë prej pesë shkollave të larta reformatore evropiane - Universiteti i Parisit Saint-Denis VIII (Francë), Universiteti Konstanz (Gjermani), Universiteti Roskilde (Danimarkë), Universiteti i Egjeut (Greqi) dhe Universiteti i Ri Bullgar (Bullgari).

Ata kanë bashkuar përpjekje për të krijuar formate të ndryshme arsimore, të cilat tërheqin një numër të pakufizuar studentësh - kurse verore, shkolla intensive, module kursesh, seminare udhëtimi, programe master dhe doktorata. Mundësi të ndryshme ofrohen edhe për stafin mësimdhënës, duke përfshirë kurse gjuhe dhe seminare trajnuese për rritjen e kualifikimit. Sipas zëvendës rektorit mbi veprimtarinë ndërkombëtare të Universitetit të Ri Bullgar – krye-asistenti kryesor doktor Dimitër Trendafillov, ideja e kësaj aleance është largimi nga tipi klasik i kampuseve dhe të tërhiqen për partnerë përfaqësues të biznesit dhe të sektorit joqeveritar në shtetin përkatës evropian.

Dimitër Trendafillov

“Me partnerët në Aleancë do të kemi mundësi shumë më të mëdha të aplikojmë dhe të zhvillojmë projekte, të cilat t’i tërheqin universitetet përpara. Universitetet janë hallka të vlefshme studimore, të cilat jo vetëm duhet të transmetojnë, por dhe të krijojnë dije. Në kuadrin e Aleancës kemi këtë mundësi që së bashku të krijojmë dije dhe aty ku nuk mundemi të kemi dyer të hapura për ndarjen e praktikave të mira.”

Aleanca për të cilën flet asistenti kryesor doktor Dimitër Trendafillov, është e themeluar në sajë të parametrave të zgjeruara të programit arsimor evropian “Erasmus+”, i cili filloi gjatë vitit 2014 si një zgjatje të programeve “Mësim gjatë gjithë jetës” dhe “Sokrat”. Qëllimi i saj tani është të kontribuojë për ndërtimin e një infrastrukture arsimore të brezit të ri, e cila të zhvillojë arsimin e lartë në Bashkimin Evropian për dekada të tëra përpara.

“Në këtë rast Erasmus+ do të jetë sistemi i qarkullimit të këtyre aleancave dhe pse jo lidhja me aleanca dhe universitete të tjera, një pjesë nga ky rrjet universitar - sqaron Dimitër Trendafillov. Kjo do të japë mundësi dhe për lëvizshmërinë e studentëve në aleanca të tjera. Duam që t’i inkurajojmë studentët të udhëtojnë më tepër, të afrohen deri tek kultura dhe gjuhë të tjera, deri tek një mënyre tjetër të zhvillimit të trajnimeve dhe kjo nuk duhet të jetë vetëm një shtesë në edukimin e tyre, por një pjesë thelbësore e edukimit në përgjithësi.”

Autore: Darina Grigorova

Përgatiti në shqip: Nataniela Vasileva




Последвайте ни и в Google News Showcase, за да научите най-важното от деня!

Më shumë nga rubrika

Filloi Kreshma e Madhe para Ringjalljes së Krishtit

Pas Të Dielës së të Lidhurit të Djathit më 3 Mars, fillon Kreshma e Madhe, e cila paraprin Ngjalljen e Krishtit. Që nga kjo ditë të krishterët ortodoksë përmbahen nga konsumimi i ushqimeve shtazore - mishi, vezët, qumështi dhe produktet e..

botuar më 25-03-03 9.42.PD

Festivali i Kukerave në Shiroka Llëka largon të keqen dhe sjell shëndet dhe begati

Festivali i Kukerave "Pesponedellnik", i cili zhvillohet në Shiroka Llëka të dielën e parë të marsit, shënon fundin e dimrit dhe fillimin e pranverës. Më pas, nën tingujt e kambanave kryhet një rit për të larguar të keqen. “Këtë vit, mijëra..

botuar më 25-03-02 7.30.PD

Qendrat për Integrim dhe Arsim Gjithëpërfshirës janë hapur në Pesë Bashki të Vogla

Pesë qendra për shërbime arsimore, sociale dhe shëndetësore do të hapen në vendbanime të vogla në kuadër të programit "Promovimi i barazisë: Shëndeti dhe arsimi gjithëpërfshirës për të gjithë - THIRRJE 2", financuar nga Programi i Bashkëpunimit..

botuar më 25-03-01 6.10.PD