Në prani të mjekëve, prindërve dhe fëmijëve Presidenti Rumen Radev shpalli fillimin e nismës së XIX bamirëse “Krishtlindjet Bullgare”, e cila mbahet nën patronazhin e presidentit. “Për vite të tëra, “Krishtlindjet Bullgare” kontribuojnë në vendosjen e traditave të dhurimit dhe janë dëshmi se ne mund të jetojmë në një shoqëri humane”, tha ai në repartin e fëmijëve të Klinikës së Oftalmologjisë në Spitalin Aleksandrovska.

Edicioni i sivjetshëm do të mbahet nën moton “Jepini shpresë një fëmije në nevojë” - në mbështetje të pacientëve të vegjël që kanë nevojë për kujdes urgjent dhe trajtim intensiv, si dhe për blerjen e aparaturave mjekësore në klinikat dhe repartet e fëmijëve. Vitin e kaluar nisma “Krishtlindjet bullgare” mblodhi 1.85 milionë leva, të cilat ndihmuan 500 fëmijë dhe 27 spitale në të gjithë vendin.