Deri më tani, mbështetja e deklaruar nga BSP, “Ka një popull të tillë” dhe “Bullgaria Demokratike” mjafton për të filluar procesin e hartimit të një plani veprimi për një qeveri të re me mandatin e formacionit “Po e vazhdojmë ndryshimin”. Këtë e thanë në një intervistë për gazetën “24 Çasa” bashkëkryetarët e projektit politik – fitues në zgjedhjet parlamentare të 14 nëntorit – Asen Vasilev dhe Kirill Petkov. “Shpresojmë shumë që në fund të negociatave të kemi një marrëveshje koalicioni të detajuar, të ngjashëm me atë austriak apo gjerman. Nëse duam të jetojmë si në Gjermani, le të fillojmë të qeverisim si në Gjermani”, theksoi Vasilev. Sipas të dyve, sa më e detajuar të jetë marrëveshja e koalicionit, aq më i vogël do të jetë konflikti i mundshëm në të ardhmen.